भक्तपुर । आसन्न आईसीसी टि–२० विश्वकपको तयारी स्वरुप खेलिने तय भएको नेपाल र संयुक्त राज्य अमेरिकाबीचको अभ्यास खेल वर्षाका कारण रद्द भएको छ ।
अमेरिकाको डालासमा विहिवार राति हुने तय भएको खेल वर्षाले प्रभावित भएपछि रद्द भएको हो ।
घरेलु टोली अमेरिकाले टस जित्दै नेपाललाई पहिला फिल्डिङमा निम्त्याएको थियो ।
तर, वर्षा सुरु भएसंगै खेल सुरु नै हुन सकेन ।
त्यसअघि पहिलो अभ्यास खेलमा नेपाल क्यानडासंग ६३ रनले पराजित भएको थियो ।
आईतवारदेखि सुरु हुने टि–२० विश्वकपमा नेपाल समूह ‘डी’ मा रहेको छ ।
लेखक
