एजेन्सी । दक्षिण अफ्रिकामा जारी आईसीसी महिला टि–२० विश्वकपअन्तर्गत भारत र आयरल्याण्डबीचको खेल बर्षाले प्रभावित भएपछि दिएलएस पद्दतिमार्फत भारत ५ रनले विजयी भएको छ ।
सोमवार राति भएको खेलमा भारतले प्रस्तुत गरेको १५६ रनको विजयी लक्ष्य पछ्याउने क्रममा ८.२ ओभर खेल्दा बर्षाले गर्दा खेल रोकिएको थियो ।
त्यतिन्जेल आयरल्याण्डले २ विकेटको क्षतिमा ५४ रन बनाएको थियो । त्यसपछि खेल पुनः सञ्चालन गर्न नसकिएपछि भारतलाई दिएलएस पद्दतमार्फत ५ रनले विजयी घोषित गरेको हो ।
जितसंगै भारत विश्वकपको सेमिफाइनल प्रवेश गरेको छ ।
सेन्ट जोर्जेज पार्क रंगशालामा आयरल्याण्डका लागि गाबि लिविसले २५ बल खेल्दै ५ चौका मद्दतमा ३२ रन बनाउँदै अविजित रहिन् ।
त्यस्तै, कप्तान लौरा डेलानेले २० बल खेल्दा ३ चौका प्रहार गर्दै १७ रन जोडेकी थिईन् । यता, एमी हन्टर १ रनमा रन आउट हुँदा ओर्ला प्रेन्डेर्गास्ट शुन्य रनमा पेविलियन फकिईन् ।
भारतका लागि रेनुका सिंहले १ विकेट लिईन् ।
त्यसअघि टस जितेर पहिला ब्याटिङमा उत्रिएको भारतले निर्धारित २० ओभरको खेलमा ६ विकेट गुमाउँदै १५५ रन बनाएको थियो ।
भारतका लागि स्मिृति मन्दनाले ५६ बलमा ९ चौका र ३ छक्का प्रहार गर्दै सर्वाधिक ८७ रनको योगदान गरिन् ।
त्यस्तै, शफाली बर्माले २९ बलको समाना गर्दै ३ चौका प्रहार गर्दै २४ रन बनाईन् । जेमिम्हा रोड्रिगेजले १२ बल खेल्दा ३ चौका प्रहार गर्दै १९ रन बनाउँदै पेविलियन फर्किदा कप्तान हमर्नप्रित कौरले २० बलकम १३ रन जोडिन् ।
पुजा भस्त्रकार २ रनमा अविजित रहिन् । भारतले अतिरिक्त रुपमा १० रन जोडेको थियो ।
आयरल्याण्डका लागि कप्तान लौराले डेलानेले सर्वाधिक ३ विकेट लिँदा ओर्ला प्रेन्डेर्गास्टले २ तथा अर्लेन केइलीले १ विकेट हात पारिन् ।
टि–२० विश्वकपको समूह ‘बी’ बाट इंग्ल्याण्ड विजता र भारत उपविजेताका रुपमा अन्तिम ४ मा प्रवेश गरेको छ ।
लेखक
