एजेन्सी । बहुप्रतिक्षित भारत र पाकिस्तानबीचको खेल वर्षाका कारण पूरा हुन नसकेपछि एसीसी एसिया कपअन्तर्गत समूह ‘ए’ को खेल रद्द गरिएको छ ।
सनिवार श्रीलंकास्थित पाल्लेकेले अन्तराष्ट्रिय क्रिकेट रंगशालामा भएको खेल वर्षाले प्रभावित बनेपछि दोस्रो इनिङ्स हुन नसकेपछि भारत र पाकिस्तानबीचको खेल रद्द गरिएको हो ।
खेल रद्द भएसंगै दुबै टोलीले १–१ अंक बाँधेको छ । योसंगै सह–आयोजक पाकिस्तानले २ खेलमा ३ अंक जोड्दै सेमिफाइनलको स्थान पक्का गरेको छ ।
अब भारतले भने सोमवार नेपालसंग प्रतिस्पर्धा गर्नेछ ।
वर्षाले पटकपटक प्रभावित खेलको पहिलो इनिङ्स पूरा खेल्न पाएतापनि दोस्रो इनिङ्स भने सुरु नै हुन सकेन ।
त्यसअघि टस जित्दै पहिला ब्याटिङमा उत्रिएको भारतले ४८.५ ओभरमा अलआउट हुँदै २६६ रन जोडेको थियो ।
भारतका लागि हार्दिक पाण्डेयाले ९० बलमा ७ चौका र १ छक्का प्रहार गर्दै ८७ रनको अर्धशतकिय पारी खेल्दा विकेटकिपर इशान किशनले ८१ बल खेल्दै ९ चौका र २ छक्का प्रहार गर्दै ८२ रनको अर्धशतकिय पारी खेले ।
त्यस्तै, जसप्रित बुम्राहले १४ बलमा ३ चौका प्रहार गर्दै १६ रन जोड्दा रविन्द्र जडेजाले २२ बल खेल्दै १ चौका मद्दतमा १४ रन जोड्दै पेविलियन फर्किए ।
यता, श्रेयस लेयरले ९ बलको सामना गर्दा २ चौका प्रहार गर्दै १४ रन जोड्दै आउट हुँदा कप्तान रोहित शर्मा २२ बलमा २ चौका मद्दतमा ११ रन जोड्दै पेविलयन फर्किए ।
शुभम् गिल १०, विराट कोहली र कुलदिप यादव समान ४–४ र शार्दुल ठाकुर ३ रन जोड्दै आउट भए । मोहम्मद सिराज १ रनमा अविजित रहे । भारतले अतिरिक्त रुपमा २० रन जोड्यो ।
पाकिस्तानका लागि शाहेन अफ्रिदीले १० ओभर बलिङ गर्दै २ मेडनसहित ३५ रन दिएर सर्वाधिक ४ विकेट लिँदा नसिम शाहले ८.५ ओभर बलिङ गर्दै ३६ रन दिएर ३ विकेट लिए ।
त्यस्तै, ह्यारिस रौफले ९ ओभर बलिङ गर्दा ५८ रन खर्चिएर ३ विकेट हात पारे ।
प्रतियोगिताअन्तर्गत आईतवार बंगलादेश र अफगानिस्तानबीच खेल हुनेछ ।
लेखक
