एजेन्सी । संयुक्त राज्य अमेरिकामा जारी ९ औं संस्करणको आईसीसी टि–२० विश्वकपअन्तर्गत खेलमा दक्षिण अफ्रिकाले श्रीलंकामाथि जित हासिल गरेको छ ।
सोमवार राति भएको खेलमा उपाधि दाबेदारका रुपमा हेरिएको दक्षिण अफ्रिकाले श्रीलंकामाथि ६ विकेटको जित हासिल गरेको हो ।
जितसंगै बलियो दक्षिण अफ्रिकाले समूह ‘डी’ मा २ अंक जोडेको छ ।
अमेरिकाको न्युयोर्कस्थित नास्सौ काउण्टी अन्तर्राष्ट्रिय क्रिकेट रंगशालामा भएको लो स्कोरिङ खेलमा ७८ रनको सामान्य विजयी लक्ष्यका साथ जवाफी ब्याटिङमा उत्रिएको दक्षिण अफ्रिकाले १६.२ ओभर खेल्नेक्रममा ४ विकेट गुमाउँदै ८० रन जोड्यो ।
दक्षिण अफ्रिकाको जितमा ओपनर ब्याट्सम्यान तथा विकेटकिपर क्विन्टन डि ककले २७ बलमा १ छक्का प्रहार गर्दै २० रन जोडेर पेविलियन फर्किदा हेनरिक क्लासेनले २२ बल खेल्नेक्रममा १ चौका र १ छक्का प्रहार गर्दै १९ रन जोडेर अविजित रहे ।
त्यस्तै, ट्रिस्टन स्टब्सले २८ बल खेल्नेक्रममा १३ रन जोडेर पेविलियन फर्किदा कप्तान एडेन मार्करामले १४ बलमा १ छक्का प्रहार गर्दै १२ रन जोडेर आउट भए ।
यता, डेभिड मिलर ६ रनमा अविजित रहे ।
दक्षिण अफ्रिकाले अतिरिक्त रुपमा ६ रन जोड्यो ।
श्रीलंकाका लागि कप्तान वानिन्दु हसरंगाले ३.२ ओभर बलिङ गर्नेक्रममा २२ रन दिएर २ विकेट लिँदा नुवान थुशारा र दासुन शानाकाले समान १–१ विकेट लिए ।
त्यसअघि टस जितेर पहिला ब्याटिङमा उत्रिएको श्रीलंकाले १९.१ ओभरमा अलआउट हुँदै मात्र ७७ रन जोड्यो ।
श्रीलंकाका लागि ओपनर ब्याट्सम्यान तथा विकेटकिपर कुशल मेन्डिसले ३० बल खेल्नेक्रममा १ चौका प्रहार गर्दै १९ रन जोडेर आउट हुँदा अंगेलो म्याथ्युजले १६ बलमा २ छक्का प्रहार गर्दै १६ रन जोडेर पेविलियन फर्किए ।
त्यस्तै, किमान्दु मेन्डिसले १५ बलमा १ चौका प्रहार गर्दै ११ रन जोडेर आउट हुँदा दासुन शानका ९, चरिथ असलंका ६, अर्का ओपनर पाथुम निस्संका ३ रनमा पेविलयन फर्किए ।
महेश थेकशान ७ रनमा अविजित रहँदा श्रीलंकाका अन्य ४ ब्याटर शुन्य रनमा पेविलियन फर्किए ।
श्रीलंकाले अतिरिक्त रुपमा ६ रन जोड्यो ।
श्रीलंकालाई सस्तैमा धरासायी बनाउन दक्षिण अफ्रिकाका लागि एनरिच नोर्टजेले ४ ओभर बलिङ गर्दै मात्र ७ रन दिएर सर्वाधिक ४ विकेट लिँदा कागिसो राबडाले ४ ओभरमा १ मेडन राख्दै २१ रन दिएर २ विकेट लिए ।
त्यस्तै, केशब महाराजले ४ ओभर बलिङ गर्दै २२ रन खर्चिएर २ विकेट लिँदा ओटिनेल बार्टमानले ४ ओभरमा १ मेडन राख्दै मात्र ९ रन दिएर १ विकेट लिए ।
लेखक
