एजेन्सी । जारी सिजन लगातार राम्रो प्रदर्शन गरिरहेको न्युक्यासल युनाइटेडले प्रिमियर लिगअन्तर्गत लेस्टरसिटीविरुद्वको खेल सहज रुपमा जित्दै तालिकाको दोस्रो स्थानमा उक्लिएको छ ।
सोमवार किंग पावर रंगशालामा न्युक्यासलले घरेलु टोलीमाथि ३–० को सहज जित हात पारेको हो ।
न्युक्यासलको जितमा क्रिस्टोफर उड, मिगुइल अल्मिरन र जोइल्नटनले गोल गरे । तीनवटै गोल पहिलो हाफमा सम्भव भएको थियो ।
उडले खेलको तेस्रो मिनेटमा गोल गर्दै भ्रमणकारी टोलीलाई १–० को अग्रता दिलाउँदा अल्मिरनले सातौं मिनेटमा अग्रता दोब्बर पारे ।
त्यसपछि ३२ औं मिनेटमा जोइल्नटनले गोल गर्दा न्युक्यालस ३–० ले विजयी रह्यो ।
जितसंगै १६ खेलमा ३३ अंक जोड्दै न्युक्यासल साविक विजेता म्यानचेस्टर सिटीलाई एक अंकले पटि पार्दै लिग तालिकाको दोस्रो स्थानमा उक्लिएको छ । पराजित घरेलु टोलीले लेस्टरको १७ अंक छ र तालिकाको १३ औं स्थानमा छ ।
यता, आजै सम्पन्न अन्य प्रिमियर लिगका खेलहरुमा क्रिस्टल प्यालेस घरेलु मैदानमै फुलहमसंग ३–० ले पराजित हुँदा एभर्टन लिग तालिकाको पुच्छारमा रहेको उल्भ्ससंग २–१ ले स्तब्ध बन्यो ।
साउथह्याम्टन पनि ब्राइटनसंग ३–१ ले पराजित भयो ।
लेखक
