एजेन्सी । लण्डन क्लब चेल्सी इंग्लिस प्रतिष्ठित प्रतियोगिता एफए कपको सेमिफाइनलमा प्रवेश गरेको छ ।
आईतवार साँझ भएको क्वाटरफाइनल खेलमा च्याम्पियनसिप क्लब लेस्टर सिटीमाथि ४–२ को जित निकाल्दै प्रिमियर लिग क्लब चेल्सी सेमिफाइनलमा प्रवेश गरेको हो ।
चेल्सीको घरेलु मैदान स्टामफोर्ड ब्रिज रंगशालामा भएको खेलमा घरेलस टोलीको जितमा मार्क कुकुरेल्ला, कोल पाल्मर, कार्ने चुकुक्वेमेका र नोनी मद्वेकेले गोल गरे ।
पराजित भ्रमणकारी टोलीका लागि स्टेफे माभिदीदीले गोल गर्दा अर्को एक गोल चेल्सीका एलेक्स डिसासीको आत्मघातीमार्फत् प्राप्त भयो ।
खेल सुरु भएको १३ औं मिनेटमा निकोलास ज्याक्सनको पासमा कुकुरेल्लाले गोल गर्दै चेल्सीलाई सुरुवाती अग्रता दिलाए ।
त्यसपछि २६ औं मिनेटमा रहिम स्टर्लिङ पेनाल्टीमा चुक्दा चेल्सीले अग्रता बढाउने अवसरबाट चुक्न पुग्यो ।
तर, पहिलो हाफको अन्त्यतिर स्टपेज टाइमको पहिलो मिनेटमा स्टर्लिङको पासमा पाल्मरले गोल गर्दा चेल्सी २–० ले अघि बढ्यो ।
त्यसपछि दोस्रो हाफको ५१ औं मिनेटमा चेल्सीका डिसासीले आत्मघाती गोल गर्न पुग्दा खेल २–१ को अवस्थामा आयो ।
यता, ६२ औं मिनेटमा लेस्टरका माभिदीदीले गोल फर्काउँदा खेल २–२ को बराबरीमा आयो ।
तर, ७३ औं मिनेटमा कल्लुम डोयलेले रातो कार्ड पाउँदा लेस्टर १० खेलाडीमा समेतियो ।
त्यसको भरपुर फाइदा भने लण्डन क्लबले उठायो ।
खेलको अन्तिम समयतिर इन्जुरी समयको दोस्रो मिनेटमा चुकुक्वेमेकाले गोल गर्दै चेल्सीलाई ३–२ ले अघि बढाए ।
त्यसको ६ मिनेटपछि मद्वेकेले गोल थप्दा चेल्सी ४–२ ले विजयी भयो ।
लेखक
