एजेन्सी । बायर लेभरकुसेनले जर्मन बुडेसलिगाअन्तर्गत खेलमा बायर्न म्युनिखलाई पराजित गरेको छ ।
सनिवार राति भएको खेलमा जारी सिजन उच्च लयमा रहेको बायर लेभरकुसेनले साविक विजेता समेत रहेको बायर्न म्युनिखलाई ३–० ले पराजित गरेको हो ।
लेभरकुसृनको घरेलु मैदान बायएरिना रंगशालामा भएको खेलमा उपाधि होडमा रहेको दुई टोलीको प्रतिस्पर्धामा घरेलु टोली लेभरकुसेनले बाजी मार्यो ।
निर्धारित समय भन्दा केहि ढिला गरि सुरु भएको खेलको १८ औं मिनेटमा रोर्बट एन्डरिचको पासमा जोसिप स्टानिसिकले गोल गर्दै घरेलु टोलीलाई सुरुवाती अग्रता दिलाए ।
त्यसपछि दोस्रो हाफको ५० औं मिनेटमा नाथान टेल्लाको पासमा एलेक्स ग्रिमाल्डोले लेभरकुसेनका लागि गोल थप्दा खेल २–० ले अघि बढ्यो ।
यता, खेलको अन्त्यतिर इन्जुरी समयको पाँचौं मिनेटमा इडमण्ड टापसोबाको पासमा जेरेमी फ्रिमपोङले गोल थप्दा लेभरकुसेन ३–० ले विजयी भयो ।
सहज जितसंगै लिग लिडर लेभरकुसेनले २१ खेलमा ५५ अंक जोडेको छ ।
यो भनेको साविक विजेता म्युनिखसंग ५ अंकको स्पष्ट अग्रता हो ।
म्युनिखको समान २१ खेलमा ५० अंक रहेको छ । म्युनिख तालिकाको दोस्रो स्थानमा रहेको छ।
लेखक
