भक्तपुर । सुदुरपश्चिम रोयल्सले नेपाल प्रिमियर लिग (एनपिएल) मा लुम्बिनी लायन्समाथि सहज जित निकालेको छ ।
सनिवार विहान भएको खेलमा सुदुरपश्चिम रोयल्सले लुम्बिनी लायन्समाथि ४५ रनको सहज जित निकालेको हो ।
जितसंगै सुदुरपश्चिमले ३ खेलबाट ६ अंक जोडेर लिग तालिकाको शीर्ष स्थानमा उक्लिएको छ ।
पराजित लुम्बिनीको भने यो लगातार तेस्रो हार हो ।
लुम्बिनी तालिकाको पुच्छारमा झरेको छ ।
काठमाडौंको क्रितिपुरस्थित टियु क्रिकेट मैदानमा भएको खेलमा १८८ रनको विशाल विजयी लक्ष्यका साथ जवाफी ब्याटिङमा उत्रिएको लुम्बिनीले निर्धारित २० ओभरको खेलमा ९ विकेट गुमाउँदै मात्र १४२ रन जोड्न सक्यो ।
एक समय धराशायी बनेको लुम्बिनीको ब्याटिङलाई विवेक यादवले सम्मानजनक अवस्थामा ल्याए ।
विवेकले ५४ बलमा ३ चौका र ७ छक्का प्रहार गर्दै ७७ रनको अर्धशतकिय पारी खेल्दै अविजित रहँदा सुन्दिप जोराले २६ बल खेल्नेक्रममा १ छक्का प्रहार गर्दै २० रन जोडेर पेविलियन फर्किए ।
त्यस्तै, दिनेश अधिकारीले १६ बलमा २ चौका प्रहार गरेर १४ रन जोड्दै आउट हुँदा सुर्य तामाङ र छम मोरेस ७–७, कप्तान रोहित पौडेल ५ तथा उन्मुक्त चन्द ४ रनमा पेविलियन फर्किए ।
लुम्बिनीका अन्य ४ ब्याटरले अंकको खाता नै खोल्न सकेनन् ।
लुम्बिनीले अतिरिक्त रुपमा ८ रन जोड्यो ।
लुम्बिनीको ब्याटिङ अर्डरलाई धराशायी पार्न ब्रान्डन म्याक मुलेन र सैफ जैबले समान ३–३ विकेट लिँदा स्कट कगेलैनले २ तथा अबिनाश बोहराले १ विकेट लिए ।
त्यसअघि टस हारेर पहिला ब्याटिङमा उत्रिएको सुदुरपश्चिमले निर्धारित २० ओभरको खेलमा ४ विकेट गुमाउँदै १८७ रन जोड्यो ।
सुदुरपश्चिमका लागि ओपनर ब्याट्सम्यान सैफ जैफले ६१ बलमा ६ चौका र ५ छक्का प्रहार गर्दै सर्वाधिक ९० रन जोड्दा कप्तान दिपेन्द्र सिंह ऐरीले १९ बल खेल्नेक्रममा ४ चौका र २ छक्का प्रहार गर्दै ३९ रन जोडेर अविजित रहे ।
त्यस्तै, ब्रान्डन म्याकमुलेनले २० बलमा १ चौका र १ छक्का प्रहार गर्दै २३ रन जोडेर आउट हुँदा अर्का ओपनर बिनोद भण्डारीले १३ बल खेल्दै २ चौका प्रहार गरेर १७ रन जोड्दै पेविलियन फर्किए ।
यता, स्कट कुगेललिन ११ रनमा अविजित रहँदा आरिफ शेख भने शुन्य रनमा पेविलियन फर्किए ।
सुदुरपश्चिमले अतिरिक्त रुपमा ७ रन जोड्यो ।
लुम्बिनीका लागि रमन सिमोन्ड्सले २ विकेट लिँदा रोहित पौडेल र विवेक यादवले १–१ विकेट लिए ।
लेखक
