भक्तपुर । इटहरीमा जारी प्रधानमन्त्री कप महिला टि–२० राष्ट्रिय क्रिकेट प्रतियोगितामा मधेश प्रदेशले लुम्बिनी प्रदेशमाथि जित हात पार्दै सेमिफाइनल प्रवेश गरेको छ ।
बुधवार भएको खेलमा लुम्बिनी प्रदेशमाथि १६ रनको जित हात पार्दै मधेश प्रदेश सेमिफाइनलमा प्रवेश गरेको हो ।
इटहरीस्थित जनता पार्क क्रिकेट मैदानमा जितको लागि १ सय ८ रनको विजयी लक्ष्य पछ्याएको लुम्बिनी निर्धाारित २० ओभरमा ५ विकेट गुमाउँदै ९१ रन रनमा समेतियो ।
लुम्बिनीको लागि मधु डिसीले अविजित रहँदै सर्वाधिक २१ रनमा बनाइन् । त्यस्तै रञ्जु श्रेष्ठले १४ जोडिन् । लक्ष्मी चौधरी १२ रनमा आउट हुँदा आश्मा पुलामी मगर र कप्तान सरस्वती घर्तीमगर ११–११ रन बनाए ।
मधेशका लागि भूमि सिंहले ४ ओभरमा २ विकेट लिँदा कविता गौतमले १ विकेट लिइन् ।
त्यसअघि टस हारेर पहिला ब्याटिङ थालेको मधेशले २० ओभरमा ५ विकेट गुमाउँदै १ सय ७ रन बनायो ।
मधेशको लागि साना प्रविनले सर्वाधिक ४६ रन बनाइन् । रोजी कडारीले १५ रन बनाइन् ।
लुम्बिनीको लागि मनिषा राना, सरस्वती पुन र विभस्ना बिसीले समान १–१ विकेट लिए ।
खेलको प्लेयर अफ द म्याच मधेश प्रदेशकी साना प्रविन घोषित भइन् ।
लेखक
