भक्तपुर । काठमाडौंमा जारी नेपाल टि–२० क्रिकेट लिगको सातौं खेलमा पोखरा एभेन्जर्समाथि लुम्बिनी अल स्टार्सले ३ विकेटको रोमाञ्चक जित हात पारेको छ ।
क्रितिपुरस्थित टियू क्रिकेट मैदानमा मंगलवार भएको खेलको अन्तिम बलमा जितका लागि ५ रन आवश्यक हुँदा शाद्ले भान सचाल्विकले शानदार छक्का प्रहार गर्दै लुम्बिनीलाई ३ विकेटले विजयी बनायो ।
योसंगै जारी लिगमा लुम्बिनीले लगातार ३ खेलमा जित निकालेको छ ।
जितको लागि १ सय ३४ रनको विजयी लक्ष्य पछ्याएको लुम्बिनीले पूरा २० ओभर खेल्दै ७ विकेटको क्षतिमा पूरा गर्यो ।
लुम्बिनीको जितमा सचाल्विकले ११ बलमा ४ छक्कासहित ३१ रन बनाउँदै अविजित रहे । कुशल भुर्तेलले २८ बलमा ४ चौका र २ छक्कासहित सर्वाधिक सर्वाधिक ३८ रन बनाए ।
त्यस्तै, उन्मुक्त चन्द ३४ बलमा १ चौकासहित २२ रन बनाउँदै आउट भए । यता, गुलशन झाले १० रन बनाए ।
पोखराका लागि विपिन खत्री र कुशल मल्लले २–२ विकेट लिए । प्रतिश जिसी, अभिमन्यु मिथुन र जाहिर खानले पनि १–१ विकेट लिए ।
टस हारेर पहिला ब्याटिङमा उत्रिएको पोखराले निर्धारित २० ओभरको खेलमा ९ विकेट गुमाउँदै १३३ रन बनायो ।
पोखराका लागि कुशल मल्लले ३१ बलमा ५ चौका र ५ छक्कासहित सर्वाधिक ६१ रन बनाए । उपुल थरंगाले ५१ बलमा २ चौका र १ छक्कासहित ४२ रन बनाए । आसिफ शेख १८ बलमा ६ रन बनाउँदै आउट भए ।
त्यस्तै, विपिन खत्रीले ९ रन बनाउँदा शरद भेषवाकरले ५ तथा आरिफ शेख २ रन जोडे । यता, अभिमन्यु मिथुन, सिद्धान्त लोहनी र प्रतिश जिसी शुन्य रनमा आउट भए ।
लुम्बिनीका लागि शाद्ले भान सचाल्विकले ४ ओभरमा २७ रन खर्चेर ३ विकेट लिए । किशोर महतोले र गुलशन झाले समान २ विकेट लिए । हरमित सिंह र सागर ढकालले पनि १–१ विकेट आ–आफ्नो नाममा गरे ।
योसंगै जारी लिगमा पोखरा जारी लिगमा लगातार तेस्रो खेलमा पराजित रह्यो ।
लेखक
