एजेन्सी । फ्रान्सेली महारथी पेरिस सेन्ट जर्मेन (पिएसजी) ले लिग वानमा लिलेलाई पराजित गरेको छ ।
आइतवार भएको खेलमा पिएसजीले घरेलु मैदानमा लिलेलाई ४–३ ले पराजित गरेको हो ।
पेरिस दस प्रिन्सेसमा ११ औं मिनेटमा नेईमार जुनियरको पासमा केलियन एम्बाप्पेले गोल गर्दै घरेलु टोलीलाई सुरुवाती अग्रता दिलाएका थिए ।
त्यसको ६ मिनेटपछि १७ औं मिनेटमा नेयमारले गोल गर्दै पिएसजीलाई २–० ले अघि बढाएका थिए ।
तर, २४ औं मिनेटमा बाफोडे दियाकाइतले गोल फर्काउदै खेललाई २–१ मा ल्याए । खेलको ५८ औं मिनेटमा जोनाथन डेभिडले पेनाल्टीमार्फत गोल गर्दै लिलेलाई २–२ को बराबरीमा ल्याएका थिए ।
त्यसअघि ५१ औं मिनेटमा नेईमार चोटग्रस्ट हुँदै मैदानबाट बाहिरिएका थिए । खेलको ६९ औं मिनेटमा जोनाथन बाम्बाले गोल गर्दा लिले खेलमा ३–२ ले अघि बढेको थियो ।
त्यसपछि ८७ औं मिनेटमा एम्बाप्पेले व्यक्तिगत रुपमा दोस्रो गर्दा खेललाई ३–३ को बराबरीमा ल्याए ।
निर्धारित ९० मिनेटको समयपछि थपिएको अतिरिक्त समयको पाँचौं मिनेटमा लियानल मेसीले गोल गर्दा खेल पिएसजीले सनसनी रुपमा ४–३ ले जित्यो ।
जितसंगै घरेलु टोलीले २४ खेलमा ५७ अंक जोडेको छ । पिएसजी लिग तालिकाको शीर्ष स्थानमा छ ।
यता, पराजित लिलेको समान खेलमा ४१ अंक छ । लिले तालिकाको छैटौं स्थानमा झरेको छ ।
लिग वानअन्तर्गत आइवार नै भएको अन्य खेलमा स्टार्सबर्गले एन्जरमाथि २–१ को जित हात पारेको छ ।
लेखक
