एजेन्सी । लिभरपूल इंग्लिस फुटबलको नकआउट प्रतियोगिता इएफएल कपको फाइनलममा प्रवेश गरेको छ ।
बुधवार राति भएको सेमिफाइनलअन्तर्गत दोस्रो लेग खेलमा फुलहमसंग १–१ को बराबरी खेल्दै समग्रमा ३–२ को जित निकाल्दै इएफएल कपको फाइनलमा प्रवेश गरेको हो ।
फुलहमको घरेलु मैदान कार्भेन कटेज रंगशालामा भएको खेलमा लिभरपूका लागि लुइस डाइज र फुलहमका लागि इस्सा डियोपले गोल गरे ।
खेल सुरु भएको ११ औं मिनेटमा जरेल क्वानसाहको पासमा डाइजले गोल गर्दा लिभरपूल १–० ले अघि बढ्यो ।
तर, दोस्रो हाफको ७६ औं मिनेटमा ह्यारी विल्सनको पासमा डियोपले घरेलु टोलीका लागि गोल फर्काउँदा खेल १–१ को बराबरीमा आयो ।
त्यसपछि खेलमा थप गोल निस्किएन ।
त्यसअघि एन्फिल्डमा भएको सेमिफाइनलअन्तर्गत पहिलो लेग खेलमा मर्सिसाइड क्लबले २–१ को जित निकालेको थियो ।
सोहि नतिजाका आधारमा समग्रमा ३–२ को जित निकाल्दै लिभरपूल लिग कपको फाइनलमा प्रवेश गर्यो ।
अब लिभरपूलले उपाधिका लागि चेल्सीसंग प्रतिस्पर्धा गर्नेछ ।
लेखक
