एजेन्सी । साविक विजेता लिभरपुललाई पराजित गर्दै म्यानचेस्टर सिटी कारावाओ (इएफएल) कपको क्वाटरफाइनलमा प्रवेश गरेको छ ।
विहिवार राति भएको खेलमा सिटीले लिभरपूललाई ३–२ ले पराजित गर्दै अन्तिम ८ को स्थान सुरक्षित गरेको हो ।
इतिहाद रंगशालामा खेलको १० औं मिनेटमा इर्लिङ हालान्डले गोल गर्दै घरेलु टोलीलाई सुरुवाती अग्रता दिलाएका थिए ।
२० औं मिनेटमा फावियो कार्भालोले गोल गर्दै लिभरपूललाई खेलमा फर्काएको थियो ।
त्यसपछि रियाद महारेजले गोल गर्दै पुनः सिटीलाई खेलमा २–१ ले अघि बढाए । त्यसको एक मिनेट लत्तगै भ्रमणकारी टोलीले खेलमा बराबरी गर्यो ।
लिभरपूलका मोहम्मद सल्लाहले गोल गर्दै खेल २–२ को रोमाञ्चक बराबरीमा ल्याएका थिए ।
त्यसपछि ५८ औं मिनेटमा सिटीका डिफेन्डर नाथन एकेले गोल गर्दा सिटी ३–२ ले विजयी रह्यो ।
पराजयसंगै साविक विजेता लिभरपूल प्रतियोगिताबाट बाहिरिएको छ ।
लेखक
