भक्तपुर । नेपालले आईसीसी क्रिकेट विश्वकप लिग २ अन्तर्गत क्यानडा सिरिजमा खराब सुरुवात गरेको छ ।
सोमवार रातिदेखि सुरु भएको विश्वकप लिग २ अन्तर्गत त्रिदेशिय क्यानडा सिरिजमा घरेलु टोलीसंग १०३ रनको विशाल हार बेहोर्दै नेपालले खराब सुरुवात गरेको हो ।
योसंगै लिग २ को तालिकामा ५ खेलबाट १ जित र ४ हारको नतिजासहित मात्र २ अंक जोडेर नेपाल पुच्छारबाट दोस्रो अर्थात् सातौं स्थानमा कायम छ ।
क्यानडाले भने ९ खेलबाट १० अंकसहित तालिकाको दोस्रो स्थानमा उक्लिएको छ ।
क्यानडास्थित मापेल लिफ क्रिकेट मैदानमा भएको खेलमा २५४ रनको विजयी लक्ष्य पछ्याएको नेपाल ४०.१ ओभरमा अलआउट हुँदा मात्र १५० रनमा समेतियो ।
नेपालका लागि करण केसीले २ चौका र २ छक्का प्रहार गर्दै २७ रन जोड्दै पेविलियन फर्किदा सन्दिप लामिछानेले १६ बलमा १ चौका र २ छक्का प्रहार गर्दै २२ रन जोडेर आउट भए ।
त्यस्तै, विकेटकिपर आसिफ शेखले ३० बल खेल्नेक्रममा ३ चौका प्रहार गर्दै २० रन जोडेर आउट हुँदा भिम सार्कीले ३० बलमा २ चौका प्रहार गर्दै १८ रन जोडेर पेविलियन फर्किए ।
यता, गुलशन झाले २७ बलमा १ चौका मद्दतमा १५ रन बनाएर पेविलियन फर्किदा कुशल मल्लले ४१ बलको सामना गर्नेक्रममा १२ रन जोडेर आउट भए ।
दिपेन्द्र सिंह ऐरी ८, सोमपाल कामी ६, कप्तान रोहित पौडेल ५ र ओपनर ब्याट्सम्यान कुशल भुर्तेल १ रनमा पेविलियन फर्किदा ललित राजबंशी भने शुन्य रनमा अविजित रहे ।
नेपालले अतिरिक्त रुपमा १६ रन जोड्यो ।
नेपाललाई सस्तैमा स्तब्ध बनाउन घरेलु टोलीका लागि डिलन हेलिगरले सर्वाधिक ५ विकेट लिँदा, अन्श पटेल र अखिल कुमारले २–२ तथा साद बिन जफरले १ विकेट लिए ।
त्यसअघि टस हारेर पहिला ब्याटिङमा उत्रिएको क्यानडाले निर्धारित ५० ओभरको खेलमा ९ विकेट गुमाउँदै २५३ रन जोड्यो ।
क्यानडाका लागि कप्तान निकोलास क्रिटनले ४४ बल खेल्नेक्रममा ३ चौका र ६ छक्का प्रहार गर्दै ७३ रनको अर्धशतकिय पारी खेल्दै अविजित रहँदा ओपनर ब्याट्सम्यान नभनित धलिवालले ९० बल खेल्नेक्रममा ४ चौका प्रहार गर्दै ४८ रन जोडेर पेविलियन फर्किए ।
त्यस्तै, डिलन हेलिगरले २७ बलमा २ चौका र २ छक्का प्रहार गर्दै ३० रन जोडेर आउट हुँदा हर्ष ठाकेरले ६१ बल खेल्नेक्रममा १ चौका मद्दतमा २७ रन जोडेर रनआउट भए ।
यता, साद विन जफरले १३ बलमा १ चौका प्रहार गर्दै १७ रन जोडेर आउट हुँदा प्रगत सिंहले ३५ बलको सामना गर्दै १ छक्का प्रहार गरेर १७ रन जोडेर पेविलियन फर्किए ।
अर्का ओपनर ब्याट्सम्यान आरोन जोनसनले १६ बलमा २ चौका प्रहार गर्दै १० रन जोडेर आउट हुँदा कलिम सानाले ८ बल खेल्नेक्रममा १ छक्का प्रहार गर्दै १० रन जोडेर पेविलियन फर्किए ।
त्यस्तै, विकेटकिपर श्रेयस मोभ्भा ४ रनमा पेविलियन फर्किदा अखिल कुमार शुन्य रनमा अविजित रहे ।
घरेलु क्यानडाले अतिरिक्त रुपमा १७ रन जोड्यो ।
नेपालका लागि सोमपाल कामी र ललित राजबंशीले २–२ विकेट लिँदा रोहित पौडेल, सन्दिप लामिछाने र गुलशन झाले समान १–१ विकेट लिए ।
लेखक
