एजेन्सी । फ्रान्सेली लिग वानमा मर्सेलेले टौलौसेमाथि जित निकालेको छ ।
सनिवार राति भएको खेलमा मर्सेलले टौलौसेमाथि ३–१ को सहज जित निकालेको हो ।
टौलौंसेको घरेलु मैदान स्टेडियम दि टौलौसेमा भएको खेलमा भ्रमणकारी टोलीलाई जिताउन मासन ग्रिनउडले दुई गोल गर्दा अर्को एक गोल घरेलु टोलीका चार्लि क्रेसवेलको आत्मघातीमार्फत् प्राप्त गर्यो ।
टौलौसेका लागि भने शभ्य बाबीकाले सान्तोना गोल फर्काए ।
खेल सुरु भएको १६ औं मिनेटमा लुइस हेनरिकको पासमा ग्रिनउडले गोल गर्दै मर्सेलेलाई सुरुवाती अग्रता दिलाए ।
त्यसको एक मिनेटपछि नै हेनरिककै पासमा ग्रिनउडले गोल थप्दा भ्रमणकारी टोली २–० ले अघि बढ्यो ।
यता, २७ औं मिनेटमा फ्रांक मार्गीले रातो कार्ड खाँदा घरेलु टोली १० खेलाडीमा समेतियो ।
दोस्रो हाफको ५२ औं मिनेटमा क्रेसवेलले आत्मघाती गोल गर्न पुग्दा मर्सेले ३–० ले अघि बढ्यो ।
खेलको अन्तिम समयतिर ९० औं मिनेटमा टौलौसेका लागि डिजिब्रिल सिडिबको पासमा बाबीकाले गोल फर्काउँदा खेल ३–१ ले सकियो ।
महत्वपूर्ण जितसंगै मर्सेलेले तीन लिग खेलबाट दुईमा जित र एकमा बराबरीको नतिजासहित सात अंक जोडेर लिग तालिकाको शीर्ष स्थानमा उक्लिएको छ ।
पराजित घरेलु टोलीको समान तीन लिग खेलमा दुई बराबरी र एकमा हारसहित दुई अंक जोडेर तालिकाको १३ औं स्थानमा झरेको छ ।
लेखक
