एजेन्सी । बायर लेभरकुसेनले बुडेसलिगाअन्तर्गत खेलमा एफसी युनियन बर्लिनमाथि जित निकालेको छ ।
सनिवार राति भएको खेलमा लिग लिडर बायर लेभरकुसेनले एफसी युनियन बर्लिनसंग १–० को जित निकालेको हो ।
बर्लिनको घरेलु मैदान एन देर अल्टेन फोरस्टेरेइ रंगशालामा भएको खेलमा भ्रमणकारी टोलीको जितमा फ्लोरियान विर्ट्जले एकमात्र निर्णायक गोल गरे ।
पहिलो हाफको अन्त्यतिर इन्जुरी समयको तेस्रो मिनेटमा रोविन गोसेन्सलाई फाउलका लागि दोहोरो पँहेलो कार्ड देखाउँदा घरेलु टोली १० खेलाडीमा समेतियो ।
यता, इन्जुरी समयको आठौं मिनेटमा फ्लोरियानले पेनाल्टीमा गोल गर्दै लेभरकुसेनलाई १–० ले अघि बढाए ।
त्यसपछि दोस्रो हाफमा दुबै टोलीबाट थप गोल निस्किएन र खेल लेभरकुसेनले जित्यो ।
जितसंगै शीर्ष स्थानमा रहेको लेभरकुसेनले २९ खेलबाट ७६ अंक जोडेको छ ।
गयराति नै भएको अर्को खेलमा साविक विजेता बायर्न म्युनिख भने तुलनात्मक रुपमा कमजोर प्रतिद्वन्दी एफसी हैदेनहैमसंग ३–२ ले पराजित रह्यो ।
पराजयसंगै म्युनिखको उपाधि रक्षा अभियान थप कमजोर भएको छ ।
म्युनिखको २८ खेलमा ६० अंक छ ।
यो भनेको शीर्ष स्थानमा रहेको बायर लेभरकुसेनको भन्दा १६ अंकले पछि हो ।
लेखक
