एजेन्सी । लिग लिडर लिभरपूल इंग्लिस प्रिमियर लिगअन्तर्गत खेलमा आर्सनलसंग पराजित भएको छ ।
आईतवार राति भएको साताको हेभिवेट भिडन्तमा लिग लिडर लिभरपूल चिरपरिचित प्रतिद्वन्दी आर्सनलसंग ३–१ ले पराजित भएको हो ।
आर्सनलको घरेलु मैदान इमिरेट्स रंगशालामा भएको खेलमा घरेलु टोलीको जितमा बुकायो साका, ग्राबियल मर्टिनेली र लियान्ड्रो ट्रोस्सार्डले गोल गरे ।
उता, पराजित भ्रमणकारी टोलीका लागि आर्सनलका ग्राबियलले आत्मघाती एक गोल उपहार दिए ।
खेल सुरु भएको १४ औं मिनेटमा साकाले गोल गर्दै आर्सनललाई सुरुवाती अग्रता दिलायो ।
त्यसपछि पहिलो हाफको अन्त्यतिर इन्जुरी समयको तेस्रो मिनेटमा ग्राबिलयले आत्मघाती गोल गर्न पुग्दा मर्सिसाइड क्लब १–१ को बराबरीमा आयो ।
यता, दोस्रो हाफको ६७ औं मिनेटमा मर्टिनेलीले गोल थप्दा गनर्सका रुपमा समेत चिनिने आर्सनल खेलमा २–१ ले अघि बढ्यो ।
८८ औं मिनेटमा इिब्राहिमा कोनाटे दोहोरो पँहेलो कार्ड खाँदै मैदानबाट बाहिरिदा लिभरपूल १० खेलाडीमा समेतियो ।
त्यसको भरपुर फाइदा आर्सनलले लियो ।
खेलको अन्त्यतिर इन्जुरी समयको दोस्रो मिनेटमा जाकुब किबिओरको असिस्टमा ट्रोस्सार्डले गोल थप्दा आर्सनल ३–१ ले विजयी भयो ।
सहज जितसंगै आर्सनलले २३ खेलमा ४९ अंक जोड्दै तालिकाको दोस्रो स्थानमा उक्लिएको छ ।
पराजयका बाबजुद लिभरपूलको समान २३ खेलमा ५१ अंकका साथ तालिकाको शीर्ष स्थानमा कायम छ ।
लेखक
