एजेन्सी । स्पेनिस महारथी रियल मड्रिडले ला लिगाअन्तर्गत खेलमा ओसासुनालाई पराजित गरेको छ ।
सनिवार राति भएको खेलमा लिग लिडर रियल मड्रिडले ओसासुनालाई ४–२ ले पराजित गरेको हो ।
ओसासुनाको घरेलु मैदान इल सादार रंगशालामा भएको खेलमा भ्रमणकारी टोली मड्रिडको जितमा भिनिसियस जुनियरले दुई गोल गर्दा ड्यानी कार्भाजल र ब्राहिम डाइजले एक–एक गोल गरे ।
पराजित घरेलु टोलीका लागि अन्टे बुदिमिर र इकर मुनोजले गोल एक–एक गोल फर्काए ।
खेल सुरु भएको चौथौं मिनेटमा भिनिसियस जुनियरको गोलमार्फत् भ्रमणकारी टोलीले सुरुवाती अग्रता लियो ।
तर, सातौं मिनेटमा बुदिमिरले घरेलु टोलीका लागि गोल फर्काउँदा खेल १–१ को बराबरीमा आयो ।
यता, १८ औं मिनेटमा फ्रेड्रिको भालभार्डेको पासमा कार्भाजलले गोल गर्दा मड्रिड २–१ ले अघि बढ्यो ।
त्यस्तै, दोस्रो हाफको ६१ औं मिनेटमा भाल्भार्डेकै पासमा डाइजले गोल थप्दा मड्रिड ३–१ ले अघि बढ्यो ।
त्यसको तीन मिनेटपछि नै भाल्भार्डेले ह्याट्रिक असिस्ट मद्दतमा भिनिसियस जुनियरले गोल थप्दै मड्रिडलाई ४–१ ले अघि बढाए ।
यता, खेलको अन्त्यतिर इन्जुरी समयको पहिलो मिनेटमा ओसासुनाका लागि मुनोजले गोल फर्काउँदा खेल ४–२ ले सकियो ।
सहज जितसंगै लिग लिडर मड्रिडको २९ खेलमा ७२ अंक भएको छ ।
पराजित ओसासुनाको समान २९ खेलमा ३६ अंकसहित तालिकाको ११ औं स्थानमा झरेको छ ।
लेखक
