एजेन्सी । स्पेनिस महारथी रियल मड्रिडले ला लिगाअन्तर्गत खेलमा रियल सोसिडाडमाथि सहज जित निकालेको छ ।
सनिवार राति भएको खेलमा साविक विजेता समेत रहेको रियल मड्रिडले रियल सोसिडाडमाथि २–० को सहज जित निकालेको हो ।
सोसिडाडको घरेलु मैदान रियले एरिना रंगशालामा भएको खेलमा मड्रिडका लागि भिनिसियस जुनियर र केलिएन एम्बाप्पेले गोल गरे ।
मड्रिडले दुबै गोल पेनाल्टीमार्फत् गर्यो ।
पहिलो हाफ गोलरहित बराबरीमा सकिएको खेलमा दोस्रो हाफको ५८ औं मिनेटमा भिनिसियस जुनियरले पेनाल्टीमा गोल गर्दै मड्रिडलाई १–० ले अघि बढाए ।
त्यसपछि ७५ औं मिनेटमा एम्बाप्पेले पनि पेनाल्टीमै गोल थप्दै मड्रिडलाई २–० ले जिर्ता ।
सहज जितसंगै मड्रिडले पाँच खेलमा ११ अंक जोड्दै लिग तालिकाको दोस्रो स्थानमा कायम रह्यो ।
पराजित रियल सोसिडाडको भने समान पाँच खेलमा चार अंकसहित तालिकाको १६ औं स्थानमा झरेको छ ।
लेखक
