एजेन्सी । स्पेनिस महारथी रियल मड्रिड ला लिगाअन्तर्गत पहिलो खेलमा बराबरीमा रोकिएको छ ।
आईतवार राति भएको सिजनको पहिलो खेलमा साविक विजेता समेत रहेको रियल मड्रिड तुलनात्मक रुपमा कमजोर प्रतिद्वन्दी माल्लोर्कासंग १–१ को बराबरीमा रोकिएको हो ।
माल्लोर्काको घरेलु मैदान इस्टाडी माल्लोर्का सन मोइक्स रंगशालामा भएको खेलमा मड्रिडका लागि रोड्रिगो र घरेलु टोलीका लागि भेडाट मुरीक्वीले गोल गरे ।
खेल सुरु भएको १३ औं मिनेटमा भिनिसियस जुनियरको पासमा रोड्रिगोले गोल गर्दै मड्रिडलाई सुरुवाती अग्रता दिलायो ।
तर, दोस्रो हाफको ५३ औं मिनेटमा घरेलु टोलीका लागि ड्यानी रोड्रिगुएजको पासमा मुरीक्वीले गोल फर्काउँदा खेल १–१ को बराबरीमा आयो ।
त्यसपछि खेलमा थप गोल भएन र खेल बराबरीमा सकियो ।
बराबरी खेलेसंगै दुबै टोलीले एक–एक अंक बाँडेका छन् ।
लेखक
