एजेन्सी । एट्लेटिको डि मड्रिडले स्पेनिस ला लिगामा भ्यालेन्सियामाथि स्पष्ट जित निकालेको छ ।
आईतवार राति भएको खेलमा एट्लेटिको डि मड्रिडले भ्यालेन्सियामाथि ३–० को स्पष्ट जित निकालेको हो ।
मड्रिडको घरेलु मैदान सिभिटास मेट्रोपोलिटानो रंगशालमा भएको खेलमा घरेलु टोलीको जितमा एन्टोनी ग्रिजमन, कनर गालाघर र जुलियान अल्भारेजले गोल गरे ।
पहिलो हाफको ३९ औं मिनेटमा रोड्रिगो डि पाउलको पासमा गालाघरले गोल गर्दै एट्लेटिकोलाई सुरुवाती अग्रता दिलाए ।
त्यसपछि दोस्रो हाफको ५४ औं मिनेटमा सामुयल लिनोको पासमा ग्रिजमनले गोल थप्दा घरेलु टोली २–० ले अघि बढ्यो ।
यता, खेलको इन्जुरी समयको चौथौं मिनेटमा अल्भारेजले गोल थप्दा एट्लेटिको ३–० ले विजयी भयो ।
सहज जितसंगै एट्लेटिकोले पाँच खेलबाट ११ अंक जोडेर लिग तालिकाको दोस्रो स्थानमा उक्लेको छ ।
पराजित भ्यालेन्सियाको भने समान पाँच खेलबाट एक अंकसहित तालिकाको पुच्छारमा रहेको छ ।
लेखक
