एजेन्सी । स्पेनिस ला लिगामा भिल्लारियलले लास पाल्मासमाथि सहज जित निकालेको छ ।
सोमवार राति भएको खेलमा भिल्लारियलले लास पाल्मासमाथि ३–१ को सहज जित निकालेको हो ।
भिल्लारियलको घरेलु मैदान इस्टाडियो डि ला सेरामिका रंगशालमा भएको खेलमा घरेलु टोलीको जितमा निकोलास पेपे, थियर्नो बेरी र एलेक्स बेयनाले गोल गरे ।
पराजित भ्रमणकारी टोलीका लागि भने फाबियो सिल्भाको गोल सान्तोनामा परिणत भयो ।
पहिलो हाफको अन्त्यतिर ४५ औं मिनेटमा बेरेको पासमा पेपेले गोल गर्दै घरेलु टोलीलाई सुरुवाती अग्रता दिलाए ।
तर, दोस्रो हाफको सुरुतिरै ४७ औं मिनेटमा अड्नान जानुजानको पासमा सिल्भाले लास पाल्मासले गोल फर्काउँदा खेल १–१ को बराबरीमा आयो ।
यता, ५१ औं मिनेटमा एलेक्सले पेनाल्टी चुकाउँदा घरेलु टोली अघि बढ्न सकेन ।
तर, खेलको ८४ औं मिनेटमा एलेक्सकै पासमा बेरीले गोल गर्दा भिल्लारियल २–१ ले अघि बढ्यो ।
त्यस्तै, खेलको इन्जुरी समयको सातौं मिनेटमा सान्ति कोमेसानाको पासमा एलेक्सले गोल थप्दा भिल्लारियल ३–१ ले विजयी भयो ।
जितसंगै भिल्लारियलले ८ खेलबाट १७ अंक जोडेर लिग तालिकाको तेस्रो स्थानमा उक्लिएको छ ।
पराजित लास पाल्मासको समान ८ खेलबाट ३ अंकसहित तालिकाको पुच्छारमा रहेको छ ।
लेखक
