एजेन्सी । स्पेनिस महारथी बार्सिलोनाले ला लिगाअन्तर्गत खेलमा लास पाल्मासमाथि साँघुरो जित निकालेको छ ।
सनिवार राति भएको खेलमा साविक विजेता समेत रहेको बार्सिलोनाले तुलनात्मक रुपमा कमजोर प्रतिद्वन्दी लास पाल्मासमाथि १–० को साँघुरो जित निकालेको हो ।
बार्सिलोनाको घरेलु मैदान इस्टाडी ओलम्पिक लुइस कम्पनिज रंगशालामा भएको खेलमा १० खेलाडीमा समेतिएको भ्रमणकारी टोलीमाथि जित निकाल्न राफिन्हाले निर्णायक गोल गरे ।
पहिलो हाफको २४ औं मिनेटमा अल्भारो भालेसले रातो कार्ड खाँदै मैदानबाट बाहिरिदा लास पाल्मास १० खेलाडीमा समेतियो ।
पहिलो हाफ गोलरहित बराबरीमा सकिएको खेलमा दोस्रो हाफको ५९ औं मिनेटमा जाओ फेलिक्सको पासमा राफिन्हाले गोल गर्दै बार्सिलोनालई जिताए ।
महत्वपूर्ण जितसंगै बार्सिलोनाले ३० खेलबाट ६७ अंक जोड्दै लिग तालिकाको दोस्रो स्थानमा कायम रहेको छ ।
पराजित लास पाल्मासको पनि समान ३० खेलमा ३७ अंकसहित तालिकाको १२ औं स्थानमा रहेको छ ।
लेखक
