एजेन्सी । स्पेनिस महारथी रियल मड्रिडले ला लिगाअन्तर्गत खेलमा एट्लेटिक क्लबमाथि सहज जित निकालेको छ ।
आईतवार राति भएको खेलमा लिग लिडर समेत रहेको रियल मड्रिडले जारी सिजन लयमा रहेको एट्लेटिक क्लबमाथि २–० को सहज जित निकालेको हो ।
मड्रिडको घरेलु मैदान स्यान्टियागो बेर्नाबाउ रंगशालामा भएको खेलमा घरेलु टोलीलाई जिताउन दुबै गोल रोड्रिगोले गरे ।
खेल सुरु भएको ८ औं मिनेटमा ब्राहिम डाइजको पासमा रोड्रिगोले गोल गर्दै घरेलु टोलीलाई सुरुवाती अग्रता दिलाए ।
त्यसपछि दोस्रो हाफको ७३ औं मिनेटमा जुधे बेलिङघमको पासमा रोड्रिगोले गोल थप्दा मड्रिड २–० ले विजयी भयो ।
सहज जितसंगै लिग लिडर मड्रिडले ३० ला लिगा खेलमा ७५ अंक जोडेको छ ।
पराजित भ्रमणकारी टोलीको भने समान ३० खेलमा ५६ अंकसहित तालिकाको चौथौं स्थानमा रहेको छ ।
लेखक
