एजेन्सी । स्पेनिस ला लिगामा रियल मड्रिड अन्तिम समयमा सम्हालिन नसक्दा एट्लेटिको डि मड्रिडसंग बराबरीमा रोकेको छ ।
आईतवार राति भएको मड्रिड डर्बी खेलमा साविक विजेता समेत रहेको रियल मड्रिडले खेलको केहि समय सम्हालिन नसक्दा एट्लेटिको डि मड्रिडसंग १–१ को बराबरीमा रोकेको हो ।
एट्लेटिकोको घरेलु मैदान सिभिटास मेट्रोपोलिटानो रंगशालामा भएको खेल पहिलो हाफ गोलरहित बराबरी भयो ।
दोस्रो हाफको ६४ औं मिनेटमा भिनिसियस जुनियरको पासमा इदर मिलिटाओले गोल गर्दै साविक विजेता टोलीलाई १–० ले अघि बढाए ।
तर, खेलको अन्त्यतिर इन्जुरी समयको पाँचौं मिनेटमा घरेलु टोलीका लागि जाभी गलानको पासमा एन्जेल कोरेयाले गोल गर्दा खेल १–१ को बराबरीमा सकियो ।
बराबरीसंगै दुबै मड्रिड टोलीले अंक बाँडेका छन् ।
रियल मड्रिडको ८ खेलबाट १८ अंकसहित तालिकाको दोस्रो स्थानमा कायम रहेको छ ।
यता, एट्लेटिकोको भने समान ८ खेलबाट १६ अंकसहित तालिकाको तेस्रो स्थानमा रहेको छ ।
लेखक
