एजेन्सी । इंग्लिस प्रिमियर लिगअन्तर्गत लण्डन डर्बी खेलमा आर्सनलले चेल्सीमाथि फराकिलो जित निकालेको छ ।
मंगलवार राति भएको हेभिवेट लण्डन डर्बी खेलमा उपाधि होडमा रहेको आर्सनलले जारी सिजन खराब लयबाट गुर्जिरहेको चेल्सीमाथि ५–० को फराकिलो जित निकालेको हो ।
आर्सनलको घरेलु मैदान इमिरेट्स रंगशालामा भएको खेलमा घरेलु टोलीको जितमा काइ हाभार्टेज र बिन ह्वाइटले समान दुई–दुई गोल गर्दा लियान्ड्रो ट्रोस्सार्डले एक गोल गरे ।
खेल सुरु भएको चौथौं मिनेटमा डिक्लेन राइसको पासमा ट्रोस्सार्डले गोल गर्दै घरेलु टोलीलाई सुरुवाती अग्रता दिलाए ।
त्यसपछि दोस्रो हाफको ५२ औं मिनेटमा ह्वाइटले गोल थप्दा आर्सनल २–० ले अघि बढ्यो ।
त्यसको पाँच मिनेटपछि नै मार्टिन ओडिगार्डको पासमा हाभार्टेजले गोल थप्दा गर्नस ३–० ले अघि बढ्यो ।
६५ औं मिनेटमा बुकायो साकाको पासमा हाभार्टेजले व्यक्तिगत रुपमा दोस्रो गोल थप्दा आर्सनल ४–० ले अघि बढ्यो ।
यता, ७० औं मिनेटमा ओडिगार्डको असिस्टमा ह्वाइटले गोल थप्दा आर्सनल ५–० ले विजयी भयो ।
एकपक्षिय फराकिलो जितसंगै आर्सनलले ३४ खेलबाट ७७ अंक जोड्दै लिग तालिकाको शीर्ष स्थानमा कायम रहेको छ ।
पराजित खेल्सीको ३२ खेलमा ४७ अंकसहित तालिकाको ९ औं स्थानमा रहेको छ ।
लेखक
