एजेन्सी । भारतमा जारी इन्डियन प्रिमियर लिग (आईपिएल) अन्तर्गत खेलमा लखनउ सुपर जायन्सद्वारा चेन्नेई सुपर किंग्स पराजित भएको छ ।
मंगलवार राति भएको आईपिएल खेलमा लखनउ सुपर जायन्सद्वारा साविक विजेता चेन्नेई सुपर किंग्स ६ विकेटले पराजित भएको हो ।
महत्वपूर्ण जितसंगै लखनउले ८ खेलबाट १० अंक जोड्दै लिग तालिकाको चौथौं स्थानमा उक्लिएको छ ।
पराजित चेन्नेईको भने समान ८ खेलमा ८ अंकसहित तालिकाको पाँचौं स्थानमा झरेको छ ।
चेन्नेईको घरेलु मैदान एम. ए. चिदमबरम रंगशालामा भएको खेलमा २११ रनको विशाल विजयी लक्ष्य पछएको भ्रमणकारी टोली लखनउले १९.३ ओभरमा ४ विकेट गुमाउँदै २१३ रन जोड्यो ।
लखनउको जितमा मार्कुस स्टोइनिसले ६३ बलमा १३ चौका र ६ छक्का प्रहार गर्दै सर्वाधिक १२४ रनको शतकिय पारी खेल्दै अविजित रहँदा निकोलास पुरनले १५ बल खेल्नेक्रममा ३ चौका र २ छक्का प्रहार गर्दै ३४ रन जोडेर पेविलियन फर्किए ।
त्यस्तै, कप्तान तथा विकेटकिपर केएल राहुलले १४ बलमा १ चौका र १ छक्का प्रहार गर्दै १६ रन जोड्दै आउट हुँदा दिपक होद्दाले ६ बल खेल्दै २ चौका र १ छक्का प्रहार गरेर १७ रन जोड्दै अविजित रहे ।
यता, इम्प्याक्ट प्लेयरका रुपमा मैदान आएका देवदुत पादिक्कलले १९ बलमा १३ रन जोड्दा ओपनर ब्याट्सम्यान क्विन्टन डि कक भने शुन्य रनमा पेविलियन फर्किए ।
लखनउले अतिरिक्त रुपमा ९ रन जोड्यो ।
चेन्नेईका लागि माथिशा पाथिराणाले २ विकेट लिँदा दिपक चाहर र मुस्ताफिजुर रहमानले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको चेन्नेईले निर्धारित २० ओभरको खेलमा ४ विकेट गुमाउँदै २१० रन जोड्यो ।
चेन्नेईका लागि कप्तान रुतुराज गाइकवादले ६० बलमा १२ चौका र ३ छक्का प्रहार गर्दै १०८ रनको शतकिय पारी खेल्दा शिभम् दुबेले २७ बल खेल्नेक्रममा ३ चौका र ७ छक्का प्रहार गर्दै ६६ रनको अर्धशतकिय पारी खेल्दै रनआउट भए ।
त्यस्तै, रबिन्द्र जडेजाले १९ बलमा २ चौका प्रहार गर्दै १६ रन जोडेर आउट हुँदा ड्र्याल मिटचेलले १० बल खेल्दै १ चौका मद्दतमा ११ रन बनाएर पेविलियन फर्किए ।
यता, भेट्रान खेलाडी महेन्द्र सिंह धोनी ४ रनमा अविजित रहँदा ओपनर ब्याट्सम्यान अजिन्के राहाने १ रनमा पेविलियन फर्किए ।
चेन्नेईले अतिरिक्त रुपमा ४ रन जोड्यो ।
लखनउका लागि यश ठाकुर, मोहसिन खान र म्याट हेनरीले समान १–१ विकेट लिए ।
लेखक
