एजेन्सी । जर्मन बुडेसलिगामा २१ चरणका लिग खेलहरु सम्पन्न भएका छन् । २१ चरणका खेलहरु सकिँदासम्म बुदेसलिगाको उपाधि दौड खुल्ला देखिएको छ ।
उपाधि होडमा जर्मन महारथी ब्रायन म्युनिखसंगै बुरुसियन डर्टमण्ड, एफसी युनियन बर्लिन र एससी फेइबर्ग देखिएका छन् ।
आइतवार साविक विजेता समेत रहेको ब्रायन म्युनिख बुरुसिया मोनचेनग्लाबाकसंग ३–२ ले पराजित भएको थियो । तर चिरपरिचित प्रतिद्वन्दी बुरुसिया डर्टमण्डले भने ब्रायन म्युनिखसंग अंक बराबरी गर्ने अवसर चुकाएनन् ।
आइतवार हर्थ बिएससीलाई ४–१ ले पराजित गर्दै डर्टमण्डले म्युनिखसंग अंक बराबरी गरेको हो ।
म्युनिख बुडेसलिगाको तालिकामा २१ खेलमा ४३ अंकका साथ शीर्ष स्थानमा छ । यता, डर्टमण्डको पनि समान खेलमा ४३ अंक नै भएको छ । डर्टमण्ड गोलअन्तरका आधारमा मात्रै दोस्रो स्थानमा रहेको छ ।
यता, एफसी युनियन बर्लिनले भने यो हप्ता म्युनिखलाई उछिनेर शीर्ष स्थानमा पुग्ने अवसर गुमाएको छ । साल्के ०४ संग गोलरहित बराबरी खेलेसंगै बर्लिनले शीर्ष स्थानमा उक्लिने मौका गुमाएको हो ।
तर अंकमा भने बर्लिनले पनि म्युनिख र डर्टमण्डसंग बराबरी गरेको छ । बर्लिन गोलअन्तरका आधारमा तेस्रो स्थानमा रहेको छ ।
त्यस्तै, एससी फेइबर्गले भिएफएल बोचुममाथि २–० को जित निकालेसंगै २१ खेलमा ४० अंक जोडेको छ । यो भनेको लिग लिडर म्युनिखसंग मात्र ३ अंकले पछि हो । फेइबर्ग लिग तालिकाको चौथौं स्थानमा रहेको छ ।
फामर्स लिगका रुपमा चिनिदै आएको जर्मन लिगको जारी सिजन भने रोमाञ्चक बन्दै गएको छ । यसअघि म्युनिखलाई उपाधि छोडेर दोस्रो को बन्ने भनेर प्रतिस्पर्धा हुने गरेको मान्ने गरिन्थ्यो ।
तर, जारी सिजन ब्रायन म्युनिखलाई उपाधिमा अन्य क्लबहरुले पनि जोडदार टक्कर दिइरहेको छ ।
लेखक
