भक्तपुर । कतारमा जारी फिफा विश्वकपअन्तर्गत क्यामरन र सविर्याको रोमाञ्चक खेल बराबरीमा सकिएको छ ।
समूह ‘जी’ मा रहेको यी दुई टोलीले ३–३ गोलको रोमाञ्चक बराबरी खेलेको हो ।
अल जानोब रंगशालामा खेलको २९ औं मिनेटमा क्यामरनले सुरुवाती अग्रता लिएको थियो । क्यामरनका लागि जिन चार्लिस क्यास्टेलेटोले गोल गर्दै टोलीलाई १–० ले अघि बढाएका थिए ।
रोमाञ्चक खेलमा पहिलो हाफको अन्त्यतिर सर्वियाले नाटकिय रुपमा दुई गोल गरेपछि सनसनी रुपमा पहिलो हाफ २–१ ले अग्रता बनाएको थियो ।
सर्वियाका लागि पहिलो हाफको अतिरिक्त ६ मिनेटको समयमा स्ट्राहिन्जा पाब्लोभिक र सेर्जेइ मिलिनोभिक साभिकले गोल गरेका थिए ।
लगत्तै दोस्रो हाफको ५३ औं मिनेटमा एलेक्जान्डर मिट्रोभिचले गोल गर्दा सर्वियाको ३–१ को आरामदायी अवस्थामा पुगेको थियो ।
त्यसपछि परिर्वतित खेलाडीका रुपमा ५५ औं मिनेटमा मैदान प्रवेश गरेका भिनसियन्ट अवुबकारले एक गोल गर्नुका साथै अर्को गोलका लागि असिस्ट प्रदान गरेपछि अफ्रिकी राष्ट्र खेलमा फर्कियो ।
अवुबकारले खेलको ६३ औं मिनेटमा अफसाईड ट्राप विट गर्दै गोल गरेका थिए । लगत्तै आक्रमक बनेको क्यामरनले इरिक म्याक्सिम चौपो मोटिङको गोलमार्फत खेल ३–३ को बराबरीमा ल्याए ।
जितका लागि मैदान उत्रिएका दुबै राष्ट्रले बराबरीसंगै एक–एक अंक प्राप्त गरेका छन् ।
लेखक
