भक्तपुर । इंग्लिस क्लब म्यानचेस्टर युनाइटेडसंग सम्झौता रद्द भएपछि नयाँ क्लबको खोजीमा रहेका क्रिस्टियानो रोनाल्डोले प्रशिक्षण थालेका छन् ।
पाँचपटकका बेलोन डीओआर विजेता रोनाल्डोले रियल म्याड्रिडको प्रशिक्षण केन्द्रमा प्रशिक्षण शुरु गरेका हुन् ।
रियल मड्रिडका पूर्व खेलाडीसमेत रहेका पुर्चुगिच कप्तानको मड्रिडका मूख्य प्रशिक्षक कार्लो एन्सोलोटीसंग हार्दिक सम्वन्ध रहेको छ ।
सोहि कारण रोनाल्डोले प्रशिक्षणका लागि अनुरोध गर्दा एन्सोलोटीले मन्जुरी दिएको बताइएको छ ।
विभिन्न युरोपेली सञ्चारमाध्यमका अनुसार मड्रिडको टिमसंगै नभइ रोनाल्डोले छुट्टै प्रशिक्षण गर्नेछ ।
फिफा विश्वकपको सुरुवाती समयमा रोनाल्डोले एक अन्तर्वाताका क्रममा म्यानचेस्टर युनाइटेडभित्रको समस्या उजागर गर्दै सम्बन्धित विभिन्न व्यक्तिहरुमाथि आलोचना गरेका थिए ।
जसका कारण युनाइटेडले रोनाल्डोसंग आपसी सहमतीमा सम्झौता रद्द गरको थियो ।
यसक्रममा ३७ वर्षीय रोनाल्डोलाई साउदी अरबको क्लब अल नासरले क्रीतिमानी अफर गरे पनि रोनाल्डोले अस्विकार गरेका थिए ।
पोर्चुगल जारी कतार विश्वकपको क्वाटरफाइनलमा मोरक्कोसँग पराजित हुँदै बाहिरिएपछि रोनाल्डो कुन क्लबमा जानेछन् भन्ने कौतुहलता बढिरहेका बेला उनले आफ्नो अभ्यास भने शुरु गरेका छन्।
लेखक
