एजेन्सी । साउदी प्रोफेस्नल लिगअन्तर्गत अल वेह्दा क्लबमाथि ४ गोल गरेसंगै क्रिस्चियानो रोनाल्डोले आफ्नो करियरमा ५०० लिग गोलको क्रीतिमान कायम गरेका छन् ।
विहिवार राति भएको खेलमा रोनाल्डो आबद्व अल नासेरले अल वेह्दा क्लबमाथि ४–० को जित हात पार्दा सबै गोल रोनाल्डोले गरेका थिए ।
पोर्चुगिच राष्ट्रिय टोलीका कप्तानसमेत रहेका रोनाल्डोले खेलको २१, ४०, ५३ र ६१ औं मिनेटमा गोल गरेका थिए ।
३८ वर्षिय खेलाडीले स्पेनिस महारथी रियल मड्रिडका लागि ३११ ला लिगा गोल गर्दा इंग्लिस क्लब म्यानचेस्टर युनाइटेडका लागि १०३ प्रिमियर लिग गोल गरेका छन् ।
त्यस्तै, युभेन्टसको जर्सीमा ८१ सिरी ए गोल गर्दा पोर्चुगिच क्लब स्पोटिङबाट ३ लिगा पोर्चुगल गोल गरेका छन् ।
हाल आबद्व अल नासेरको जर्सीबाट साउदी प्रोफेस्नल लिगमा ५ गोल गरिसकेका छन् ।
कतार विश्वकप अगाडी प्रिमियर लिग क्लब म्यानचेस्टर युनाइटेडमा रहेका रोनाल्डोले इंग्लिस प्रत्रकारसामू एक विवादास्पद अन्तर्वाता दिएसंगै युनाइटेड र रोनाल्डोले आपसी सहमति गर्दै सम्झौता रद्द गरेपछि रोनाल्डो एसियाली क्लब अल नासेर पुगेका थिए ।
लेखक
