भक्तपुर । १९ वर्षमनीको वाइवाइ यू–१९ राष्ट्रिय क्रिकेट प्रतियोगितामा सुदुरपश्चिम प्रदेश र कर्णाली प्रदेशले आ–आफ्ना खेलमा जित हात पारेको छन् ।
आइतवार, सुदुरपश्चिम प्रदेशले गण्डकी प्रदेशमाथि १ सय १३ रनको जित हात पार्दा कर्णाली प्रदेशले मधेश प्रदेशलाई २ विकेटले पराजित गरेको हो ।
काठमाडौंस्थित टियू क्रिकेट मैदानमा सुदुरपश्चिमले दिएको २ सय १४ रनको विजयी लक्ष्य पछ्याउनेक्रममा गण्डकी ३२.५ ओभरमा मात्र १०० बनाइ अलआउट हुन पुग्यो ।
गण्डकीका लागि गोविन्द विकले सर्वाधिक २२ रन बनाए । अर्जुन कुमालले २० रनको योगदान दिए । त्यस्तै, कप्तान सुवास भण्डारीले १६ रन जोड्दा करन पगेंनीले १५ रनको योगदान दिए ।
यता सुदुरपश्चिमका लागि मिलन बोहोराले ६ विकेट लिदा अकाश चन्दको नाममा २ विकेट रह्यो ।
त्यसअघि पहिला ब्याटिङ गरेको सुदुरपश्चिमले ४९.३ ओभरमा अलआउट हुदै २ सय १३ रन बनाएको थियो ।
सुदुरपश्चिमका लागि आकाश चन्दले ४५ बलमा सर्वाधिक ४० रन जोडे । त्यस्तै, कप्तान अनुराग सिंहले ७१ बलमा ३७ रनको योगदान दिए ।
नरेन साउदले २८ रनको योगदान गर्दा मिलन बोहोराले २४ रन बनाए । त्यस्तै, गजेन्द्र बोहोरा सुनिल चन्द र हेमन्त धामीले समान १९–१९ रनको योगदान दिदा दिपक बोहोराभने ११ बनाउदै आउट भए ।
गण्डकीका लागि कप्तान सुवास भण्डारीले ३ तथा सुदिप अर्याल, सचिनराज अधिकारी,अर्जुन कुमाल,सिब्रिन श्रेष्ठ,निर्तिश गिरि र शिशिर भुषालले समान १–१ विकेट लिएका थिए ।
यता मुलपानी क्रिकेट मैदानमा सम्पन्न खेलमा कर्णाली प्रदेशले १ सय ३६ रनको विजयी लक्ष्य ३४.४ ओभर खेल्दै ८ विकेटको क्षतिमा पूरा गर्यो ।
कर्णालीको जितमा मोहन विक ४० बलमा ६ चौकासहित सर्वाधिक ३८ रनमा अविजित रहे । त्यस्तै, मनिश थापाले ३२ रन बनाउँदा अनिरुद्ध कवरले १६ तथा सुवास ऐरले १४ रनको योगदान गरे । अवास शाह १२ र सन्दीप शाही ५ रनमा आउट भए ।
मधेशका लागि रन्जित कुमारले सर्वाधिक ५ विकेट हात पार्दा अजित मण्डलले २ विकेट लिए । त्यस्तै, राजेश यादवले एक विकेट लिए ।
त्यसअघि पहिले ब्याटिङ गरेको मधेशले ४१.५ ओभर खेल्दै १ सय ३५ रन बनाएर अलआउट भएको थियो । मधेशका लागि शैलेन्द्र शाहले ३१ तथा मयन यादवले १८ रन जोडेका थिए ।
त्यस्तै, शरफराज मन्सुरले अविजित १७ रन जोडेदा मेघराजले १६ रन बनाएका थिए ।
कर्णालीका लागि यूनिस सिंहले सर्पाधिक ५ विकेट लिए । मोहन विक र आवास शाहले समान २-२ विकेट लिए ।
प्रतियोगितामा सुदुरपश्चिमले लगातार तेस्रो जित निकाल्दा कर्णालीको भने पहिलो जित हो ।
लेखक
