भक्तपुर । १९ वर्षमूनीको वाइवाइ यू–१९ राष्ट्रिय क्रिकेट प्रतियोगितामा बागमती प्रदेशले विजयी सुरुवात गरेको छ । बुधबार भएको उद्घाटन खेलमा बागमती प्रदेशले गण्डकी प्रदेशलाई ७४ रनले पराजित गरेको हो ।
कोठमाडौंस्थित टियू क्रिकेट मैदानमा बागमती प्रदेशले दिएको २ सय ९४ रनको लक्ष्य पछ्याएको गण्डकीले ४५.४ ओभरमा अलआउट हुँदै मात्र २ सय १९ रन जोड्न सक्यो ।
गण्डकीका लागि अर्जुन कुमालले सर्वाधिक ९८ रनको अर्धशतकीय पारी खेले । त्यस्तै, सिब्रिन श्रेष्ठले २१ रन जोड्दा कप्तान सुवास भण्डारी, गोविन्द विक र करन पंगेनीले समान १३–१३ रनको योगदान दिए । ३६ रन भने अतिरिक्त पाएको थियो ।
बागमतीका लागि अशोक पौडेलले ३ विकेट लिए । त्यस्तै, ओमकार यादव,प्रतिक श्रेष्ठ र सक्रिय कार्कीले समान २–२ विकेट लिए । अभिशेख कोईराला १ विकेट आफ्नो नाममा पारे ।
यसअघि गण्डकी प्रदेशले टस जित्दै बागमतीलाई ब्याटिङको लागि निम्ट्याएको थियो । बागमतीले ४८.१ ओभर खेल्दै २ सय ९३ रनको राम्रो लक्ष्य प्रस्तुत गरेको थियो ।
बागमतीका लागि ले उत्तम मगरले सर्वाधिक ८७ रन जोड्दा योगेश भाटले ५२ रनको अर्धशतकिय इनिङस् खेलेका थिए ।
त्यस्तै, ओमकार यादवले ३७ रन जोड्दा अभिशेख कोईरालाले ३२ रनको योगदान गरेका थिए । यता, अर्थब पौडेलले २१ रन जोड्दा सक्षम बास्कोटाले १८ रन बनाएका थिए ।
गण्डकीका लागि नितेश गिरी र सुदिप अर्यालले समान ३–३ विकेट लिएका थिए । सिब्रीन श्रेष्ठ,अर्जुन कुमाल र कप्तान सुवास भण्डारीको नाममा समान १–१ विकेट रह्यो । जितसँगै बागमती प्रदेशले २ अंक जोडेको छ ।
प्रतियोगिताअन्तर्गत भोली विहिवार सुदुरपश्चिम प्रदेश र कर्णाली प्रदेशबीच टियू क्रिकेट मैदानमा प्रतिस्पर्धा हुँदा गण्डकी प्रदेश र प्रदेश नम्बर १ बीच मुलपानी क्रिकेट मैदानमा खेल हुनेछ ।
लेखक
