भक्तपुर । १९ वर्षमूनिको वाइवाइ यू–१९ राष्ट्रिय क्रिकेट प्रतियोगितामा मधेश प्रदेशले पहिलो जित हात पारेको छ ।
जारी प्रतियोगितामा जित हात पार्ने क्रममा मधेशले गण्डकी प्रदेशमाथि ५ विकेटको जित हात पारेको हो ।
काठमाडौंस्थित टियू क्रिकेट मैदानमा २ सय १४ रनको विजयी लक्ष्य मधेशले ४८.३ ओभरमा ५ विकेट गुमाएर पूरा गर्यो ।
मधेशको जितमा मयन यादवले ४९ रनको योगदान दिँदा मेघराज रामले ४३ रनको योगदान गरे ।
त्यस्तै, अलि अन्सारीले ३२ रन जोड्दा इम्रान शेखले २७ रन जोडे । सरफराज मन्सुरले २१ रन बनाउँदा डब्लु मल्लिक २१ रनमा अविजित रहे । यता अभिषेक तिवारीले पनि अविजित रहँदै १३ रन जोडेका थिए ।
गण्डकी प्रदेशका लागि शि िभुशर भुसाल, निर्तिस गिरी, करन पंगेनी र अर्जुन कुमालले समान १‘१ विकेट लिएका थिए ।
त्यसअघि पहिला ब्याटिङमा उत्रेको गण्डकीले ४८.५ ओभरमा अलआउट हुँदै २ सय १३ रन बनाएको थियो ।
गण्डकीका लागि गोविन्द विकले ५३ रनको अर्धशतकीय पारी खेले । त्यस्तै, सुजन गौतमले ३० रन बनाउँदा सुदिप अर्यालले २७ रन जोडे । यता, करन पंगेनीले २५ तथा सिब्रिन श्रेष्ठले १६ रनको योगदान गरे । अर्जुन कुमालले ११ रन जोडेका थिए ।
मधेशका लागि नितिश यादव, साइमन राय, अभिषेक तिवारी र अविजित मण्डलले समान २–२ विकेट हात पार्दा निकेश गुप्ताले १ विकेट आफ्नो नाममा पारे ।
खेलको प्लेयर अफ द म्याच मधेस प्रदेशका मयान यादव घोषित भए ।
लेखक
