भक्तपुर । १९ वर्ष मूनीको वाइवाइ यू–१९ राष्ट्रिय क्रिकेट प्रतियोगिताअन्तर्गत विहिवार सुदुरपश्चिम प्रदेश र प्रदेश नम्बर १ ले विजय हासिल गरेको छ । काठमाडौंस्थित मुलपानी क्रिकेट मैदानमा भएको खेलमा प्रदेश १ ले गण्डकी प्रदेशलाई २१ रनले पराजित गर्दा टियू क्रिकेट मैदानमा सुदुपश्चिम प्रदेशले कर्णाली प्रदेशमाथि ५ विकेटको जित हात पारेको हो ।
प्रदेश १ ले दिएको १ सय ८४ रनको लक्ष्य पछ्याउने क्रममा गण्डकीले ४८.३ ओभर खेल्दै मात्र १ सय ६२ बनाउन सक्यो । गण्डकीका लागि करण पंगेनीले ४८ तथा दीपक ड्रुम्रेले २५ योगदान दिँदा अर्जुन कुमालले २२ रन बनायो । त्यस्तै, कप्तान सुवास भण्डारीले १८ रन जोड । प्रदेश १ का लागि अस्वीन महतो र कप्तान दिपेश कडेंलले समान ३–३ विकेट लिए लिए । त्यस्तै, विपिन महतो र सोनु अन्सारीले २–२ विकेट लिए ।
त्यसअघि पहिले ब्याटिङ गरेको प्रदेश १ ले ४९.४ ओभरमा अलआउट हुदै १ सय ८३ रन बनाएको थियो । प्रदेश १ का लागि सोनु मण्डलले ६४ रनको अर्धशतकीय पारी खेले । कप्तान दिपेश कडेंलले ३६ रनको योगदान दिँदा फैजल रहमानले २६ रन जोडे । अन्य खेलाडीले दोहोरो रन जोड्न सकेन । गण्डकीका लागि शिसिर भुषालले ४ विकेट लिँदा निर्तिश गिरीले ३ विकेट हात पारे । त्यस्तै, सुवास भण्डारीले २ विकेट आफ्नो नाममा पारे ।
यता, टियू क्रिकेट मैदानमा कर्णाली प्रदेशले दिएको १ सय २८ रनको सामान्य लक्ष्य सुदुरपश्चिमले २६.२ ओभरमा ५ विकेटको क्षतिमा पूरा गर्यो । सुदुरपश्चिमको जितमा मिलन बोहोराले ४२ रनको योगदान दिँदा दिपक बोहराले २० रन बनाए । त्यस्तै सुनिल चन्दले ११ रन जोड् । कर्णालीका लागि अनुज चुनाराले ३ तथा सन्दीप शाही र मोहन विकले समान १–१ विकेट लिए ।
त्यसअघि पहिले ब्याटिङ गरेको कर्णालीले ३२.३ ओभरमा अलआउट हुदै १ सय २७ रन बनाएको थियो । कर्णालीका लागि दिनेश अधिकारीलेअविजित ३५ रनको योगदान गरे । सुवास ऐरले ३० तथा विपीन रावलले १९ रन जोडेका थिए । त्यस्तै, आवाश शाहले १५ रन जोडेको थियो ।
सुदुरपश्चिमका लागि मिलन बोहोराले ३ विकेट लिँदा नरेन साउदले २ विकेट लिएका थिए । हेमन्त धामी र कैलाश ऐरले समान १–१ विकेट लिएका थिए ।
प्रतियोगिताअन्तर्गत भोली प्रदेश नम्बर १ र बागमती प्रदेशबीच टियू क्रिकेट मैदानमा खेल हुनेछ भने लुम्बिनी प्रदेश र सुदुरपश्चिम प्रदेशबीच मुलपानी क्रिकेट मैदानमा खेल हुँदैछ ।
लेखक
