भक्तपुर । नेपालले एएफसी यु–२० एसियन कप २०२५ छनोट खेलमा चाइनिज टाइपेमाथि जित हासिल गरेको छ ।
सोमवार भएको खेलमा नेपालले चाइनिज टाइपेमाथि ३–१ को सहज जित निकालेको छ ।
ताइवानस्थित न्यु ताइपेई सिटीस्थित फु जेन काठोलिक युनिभर्सिटी रंगशालामा भएको खेलमा नेपाललाई जिताउन समिर तामाङले ह्याट्रिक गरे ।
पराजित घरेलु टोलीका लागि याङ चाओ जिङले सान्तोना गोल फर्काए ।
पहिलो हाफको ३२ औं मिनेटमा समिरले गोल गर्दै नेपाललाई १–० ले अघि बढाए ।
त्यसपछि ३४ औं मिनेटमा समिरले व्यक्तिगत रुपमा दोस्रो गोल थप्दा नेपाल २–० ले अघि बढ्यो ।
तर, पहिलो हाफको इन्जुरी समयको दोस्रो मिनेटमा याङले टाइपेका लागि गोल फर्काउँदा खेल २–१ को स्थितिमा आयो ।
यता, दोस्रो हाफको ८४ औं मिनेटमा समिरले ह्याट्रिक पूरा गर्दा नेपाल ३–१ ले विजयी भयो ।
जितसंगै समूह ‘बी’ मा रहेको नेपालले छनोट तालिकामा ३ अंक जोडेको छ ।
लेखक
