एजेन्सी । दक्षिण अफ्रिकामा जारी आईसीसी यु–१९ क्रिकेट विश्वकपअन्तर्गत खेलमा पाकिस्तानले आयरल्याण्डमाथि जित हासिल गरेको छ ।
मंगलवार भएको सुपर सिक्सअन्तर्गत दोस्रो खेलमा पाकिस्तानले आयरल्याण्डमाथि ३ विकेटको जित हासिल गरेको हो ।
महत्वपूर्ण जितसंगै पाकिस्तानले समूह १ मा ६ अंक जोड्दै दोस्रो स्थानमा रहेको छ ।
भारतको पनि समान ६ अंक नै रहेतापनि नेट रननेटका आधारमा पाकिस्तान दोस्रो स्थानमा रहेको हो ।
पराजित आयरल्याण्डको भने शुन्य अंकका साथ तालिकाको पुच्छारमा रहेको छ ।
पोटसेफस्ट्रोमस्थित सेनविस स्पोर्ट पार्क रंगशालामा भएको खेलमा १८२ रनको सामान्य विनयी लक्ष्य पछएको पाकिस्तानले ४३.४ ओभरमा ७ विकेट गुमाउँदै पूरा गर्यो ।
पाकिस्तानको जितमा अहमद हसनले ७२ बलमा ७ चौका प्रहार गर्दै ५७ रनको अर्धशतकिय पारी खेल्दा हारुन अर्शदले ३४ बल खेल्नेक्रममा १ चौका प्रहार गर्दै २५ रन जोडेर पेविलियन फर्किए ।
त्यस्तै, कप्तान साद बैगले ४४ बलमा ३ चौका प्रहार गर्दै २५ रन जोडेर पेविलियन फर्किदा आजान अवैसले ४१ बल खेल्नेक्रममा २ चौका प्रहार गरेर २१ रन जोड्दै पेविलयिन फर्किए ।
यता, शाहजैब खान ११, उबैद शाह ८, स्यामल हुसेन ७ र अराफत मिनहास ३ रनमा पेविलियन फर्किदा अली अस्फान्ड ९ रनमा अविजित रहे ।
पाकिस्तानले अतिरिक्त रुपमा १६ रन जोड्यो ।
आयरल्याण्डका लागि ह्यारी डेयरले ४ विकेट लिँदा रिउबेन विल्सन, ओलिभर क्रिस्टफर रिले र जोर्डन नेइलले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको आयरल्याण्डले ४८.४ ओभरमा अलआउट हुँदै १८१ रन जोड्यो ।
आयरल्याण्डका लागि जोन म्याकन्यालेले ८१ बलमा २ चौका प्रहार गर्दै ५३ रनको अर्धशतकिय पारी खेल्दा ह्यारी डेयरले ४१ बलमा २ चौका प्रहार गर्दै ३१ रन जोडेर पेविलियन फर्किए ।
त्यस्तै, ओलिभर क्रिस्टोफर रिलेले २४ बलमा १ छक्का प्रहार गर्दै १८ रन जोडेर आउट हुँदा स्कट म्याकबेथले १९ बलमा ३ चौका प्रहार गर्दै १६ रन जोडेर पेविलियन फर्किए ।
यता, काइन हिल्टनले २५ बल खेल्नेक्रममा १ चौका मद्दतमा १२ रन जोडेर आउट हुँदा विकेटकिपर रायन हन्टरले २८ बलमा १ चौका प्रहार गर्दै १० रन जोडेर पेविलियन फर्किए ।
उता, गाभिन रौलस्टोन ७, कार्सन म्याककुल्लौग ६, जोर्डन नेइल ४ र कप्तान फिलिप्पुस ले रौक्स ३ रन जोड्दै पेविलियन फर्किदा रिउबेन विल्सन ६ रनमा अविजित रहे ।
आयरल्याण्डले अतिरिक्त रुपमा १५ रन जोडे ।
आयल्याण्डलाई अलआउट गर्न उबैद शाहले ३ विकेट लिँदा अमिर हसन, अली राजा र अहमद हसनले २–२ विकेट लिए ।
यता, हारोन अर्शदले १ विकेट हासिल गरे ।
लेखक
