भक्तपुर । आईसीसी यु–१९ महिला टि–२० विश्वकप एसिया छनोटमा नेपालले कुवेतमाथि फराकिलो जित निकालेको छ ।
मंगलवार भएको छनोट खेलमा नेपालले कुवेतमाथि १६५ रनको फराकिलो जित निकालेको हो ।
छनोट यात्रामा यो नेपालको पाँच खेलमा चौथौं जित हो ।
नेपालले छनोट तालिकामा ८ अंक जोडेर दोस्रो स्थानमा रहेको छ ।
युएईको दुबईस्थित द सेभेन्स स्टेडियममा भएको खेलमा टस जितेर पहिला ब्याटिङ गरेको नेपालले निर्धारित २० ओभरको खेलमा ९ विकेट गुमाएर २१३ रनको विशाल योगफल तयार गर्यो ।
नेपालका लागि पुजा महतोले ६९ बलमा अविजित रहँदै १३० रनको शतकिय पारी खेले ।
त्यस्तै, सोनी पाख्रिनले ३३ बलमा ४३ रन जोडेर अविजित रहँदा साबित्री धामीले १५ बलमा ११ रन जोडेर पेविलियन फर्किन् ।
२१४ रनको विशाल विजयी लक्ष्यका साथ जवाफी ब्याटिण्मा उत्रिएको कुवेतले १३ ओभरमा अलआउट हुँदै मात्र ४८ रन जोड्न सक्यो ।
लेखक
