एजेन्सी । युक्रेनले युरो कपअन्तर्गत खेलमा स्लोभाकियामाथि पुनरागमन जित हासिल गरेको छ ।
शुक्रवार राति भएको खेलमा युक्रेनले स्लोभाकियामाथि २–१ को पुनरागमन जित हासिल गरेको हो ।
डस्सेल्डफोर्ड एरिना रंगशालामा भएको खेलमा युक्रेनलाई जिताउन म्याकोला शपरेन्को र रोमन यारेमचुकले गोल गरे ।
पराजित टोलीका लागि इभान स्चरान्जले एक गोल गरे ।
खेल सुरु भएको १७ औं मिनेटमा लुकास हरास्लिनको पासमा स्चरान्जले गोल गर्दै स्लोभाकियालाई १–० ले अघि बढाए ।
तर, दोस्रो हाफको ५४ औं मिनेटमा युक्रेनका लागि ओलेक्जान्डर जिन्चेन्कोको पासमा शपरेन्कोले गोल फर्काउँदा खेल १–१ को बराबरीमा आयो ।
८० औं मिनेटमा शपरेन्कोको पासमा यारेमचुकले गोल थप्दा युक्रने २–१ ले विजयी भयो ।
पुनरागमन जितसंगै युक्रेनले २ खेलबाट ३ अंक जोड्दै समूह ‘इ’ को दोस्रो स्थानमा उक्लिएको छ ।
पराजित स्लोभाकियाको समान २ खेलमा ३ अंक रहेको छ ।
स्लोभाकिया गोलअन्तरका आधारमा तालिकाको तेस्रो स्थानमा रहेको छ ।
लेखक
