एजेन्सी । युरोपेली क्लब फुटबलको दोस्रो श्रेणीको प्रतियोगिता युईएफए युरोपा लिगको सेमिफाइनल समिकरण पूरा भएको छ ।
विहिवार राति क्वाटरफाइनलका दोस्रो लेग खेलहरु सम्पन्न भएसंगै युरोपा लिगको सेमिफाइनल समिकरण पूरा भएको हो ।
सेमिफाइनलमा जारी सिजन उच्च लयमा रहेको जर्मन क्लब बायर लेभरकुसेन, फ्रान्सेली क्लब मर्सेले र इटालियन क्लबद्वय रोमा तथा एटलान्टा प्रवेश गरेका छन् ।
क्वाटरफाइनलमा बायर लेभरकुसेनले इंग्लिस क्लब वेस्टह्यामलाई समग्रमा ३–१, मर्सेलेले पोर्चुगिच क्लब बेन्फिकालाई ट्राइब्रेकरमा ४–२, रोमाले अर्को इटालियन क्लब एसी मिलानलाई समग्रमा ३–१ र एटलान्टाले इंग्लिस क्लब लिभरपूललाई समग्रमा ३–१ ले पराजित गर्दै अन्तिम चारमा स्थान पक्का गरेको हो ।
अब सेमिफाइनलमा बायर लेभरकुसेन र रोमा प्रतिस्पर्धामा उत्रिने तय हुँदा मर्सेले र एटलान्टा खेल्ने पक्का भएको छ ।
सेमिफाइनलका खेलहरु मे ३ र १० तारिखमा हुने तालिका रहेको छ ।
लेखक
