एजेन्सी । इटालियन सिरी ए अन्तर्गत खेलमा युभेन्टस सालेरेनिटानासंग बराबरीमा रोकिएको छ ।
आईतवार राति भएको खेलमा बलियो युभेन्टस रेलिगेशनमा परिसकेको पुच्छारको क्लब सालेरेनिटानासंग १–१ को बराबरीमा रोकिएको हो ।
युभेन्टसको घरेलु मैदान एलियान्ज रंगशालामा भएको खेलमा हार उन्मुख घरेलु टोलीले खेलको अन्तिम समयमा गोल फर्काउँदै खेललाई बराबरीमा ल्यायो ।
पहिलो हाफको २७ औं मिनेटमा जुनियर साम्बियाको पासमा निकोलो पिइरोजीले गोल गर्दै भ्रमणकारी टोलीलाई १–० ले अघि बढायो ।
त्यसपछि खेलको अन्त्यतिर इन्जुरी समयको पहिलो मिनेटमा युभेन्टसका लागि म्यानुएल लोकाटेलीको पासमा एड्रिएन राबियोटले गोल फर्काउँदा खेल १–१ को बराबरीमा सकियो ।
बराबरीसंगै दुबै टोलीले अंक बाँडेका छन् ।
युभेन्टस ३६ खेलबाट ६७ अंक जोड्दै लिग तालिकाको चौथौं स्थानमा झरेको छ ।
यता, सालेरेनिटानाको पनि समान ३६ खेलबाट १६ अंकसहित तालिकाको पुच्छारमा रहेको छ ।
लेखक
