एजेन्सी । इटालियन सिरी एमा युभेन्टस एटलान्टासंग बराबरीमा रोकिएको छ ।
आइतवार राति भएको खेलमा युभेन्टस ३–३ गोलको बराबरीमा रोकेको हो ।
अललियान्ज रंगशालामा भएको खेलमा भ्रमणकारी टोलीले खेलको चौथौं मिनेटमा अदेमोला लुकम्यानको गोलमार्फत अग्रता लिएको थियो ।
तर, खेलको २५ औं मिनेटमा युभेन्टसले एन्जेल डि मारियाको पेनाल्टी गोलमार्फत खेलमा १–१ को बराबरीमा आएको थियो ।
३४ औं मिनेटमा एरिक मिलिकले गोल गर्दा घरेलु टोली खेलमा २–१ ले अगाडी बढेको थियो । तर, ४६ औं मिनेटमा एटलान्टा जोवाकिम मिखेलको गोलमार्फत खेलमा फर्कियो ।
यता, ५३ औं मिनेटमा लुकम्यानले ब्यक्तिगत रुपमा दोस्रो तथा टिमका लागि तेस्रो गोल गर्दा खेलमा एटलान्टा ३–२ ले अघि बढ्यो ।
६५ औं मिनेटमा युभेन्टसका ड्यानिलोले गोल गर्दा खेल ३–३ को बराबरीमा आयो । त्यसपछि थप गोल निस्किएन र दुबै टिमले १–१ अंक बाढ्यो ।
बराबरीसंगै युभेन्टसको १९ खेलमा २३ अंक भएको छ । र, तालिकाको ९ औं स्थानमा रह्यो ।
अघिल्ला सिजनहरुमा खेलाडी स्थानान्तरण बजारमा गरिएको खर्च लगायतका विषयमा रहेर इटालियन फुटबल महासंघले युभेन्टसलाई केहिदिन अघिमात्रै कारवाही गर्दै जारी लिगमा १५ अंक कतौटी गरिदिएको थियो ।
यता, एटलान्टा भने १९ खेलमा ३५ अंक बनाउँदै लिग तालिकाको पाँचौ स्थानमा उक्लिएको छ ।
यता, गयराति नै सम्पन्न अन्य खेलमा रोमाले स्पाइजामाथि २–० को जित हात पार्दा मोन्जा र ससौलोले १–१ को बराबरी खेले ।
त्यस्तै, उदिस्नेले साम्पदोरियामाथि १–० को जित निकाल्दा फ्लोरेन्टिनो टोरिनोसंग १–० ले पराजित भयो ।
लेखक
