एजेन्सी । जर्मन महारथी क्लब ब्रायन म्युनिखले एफसी युनियन बर्लिनमाथि सहज जित हात पार्दै जर्मन बुडेसलिगाको शीर्ष स्थानमा उक्लेको छ ।
आइतवार राति भएको खेलमा साविक विजेतासमेत रहेको ब्रायन म्युनिखले एफसी युनियन बर्लिनमाथि ३–० को सहज जित हात पारेको हो ।
एलियान्ज एरिना रंगशालामा भएको खेलमा घरेलु टोलीका लागि इरिक म्याक्सिम चौपो मोटिङ, किंग्सले कोम्यान र जमाल मुसियालाले गोल गरे ।
खेलको ३१ औं मिनेटमा किंग्सले कोम्यानको पासमा इरिक म्याक्सिम चौपो मोटिङले गोल गर्दै ब्रायनलाई सुरुवाती अग्रता दिलाएका थिए ।
त्यसपछि ४० औं मिनेटमा थोमस मुलरको असिस्टमा किंग्सले कोम्यानले गोल थप्दा ब्रायन २–० ले अघि बढ्यो । खेलको ४६ औं मिनेटमा जमाल मुसियालाले गोल गर्दा ब्रायन ३–० ले अघि बढ्यो ।
जानलले थोमस मुलरको पासमा गोल गरेका थिए । जितसंगै ब्रायन म्युनिखले २२ खेलमा ४६ अंक जोडेको छ ।
दोस्रो स्थानमा रहेको बुरुसिया डर्टमण्डको पनि समान अंक भएतापनि ब्रायन गोलअन्तरका आधारमा शीर्ष स्थानमा उक्लिएको हो ।
पराजित एफसी युनियन बर्लिनको २२ खेलमा ४३ अंक छ । बर्लिन लिग तालिकाको तेस्रो स्थानमा रहेको छ ।
लेखक
