एजेन्सी । म्यानचेस्टर युनाइटेड इंग्लिस प्रतिष्ठित प्रतियोगिता एफए कपको क्वाटरफाइनलमा प्रवेश गरेको छ ।

बुधवार राति भएको खेलमा साविक उपविजेता समेत रहेको म्यानचेस्टर युनाइटेडले प्रिमियर लिग प्रतिद्वन्दी नटिङघम फोरेस्टलाई १–० को पराजित गर्दै इंग्लिस लोकप्रिय प्रतियोगिताको क्वाटरफाइनलमा प्रवेश गरेको हो ।

फोरेस्टको घरेलु मैदान द सिटी ग्राउन्ड स्टेडियममा भएको खेलमा युनाइटेडलाई जिताउन क्यासिमेरोले निर्णायक गोल गरे ।

निर्धारित समयमा बराबरी उन्मुख खेलको अन्तिम समयतिर ८९ औं मिनेटमा ब्रुनो फर्नान्डेजको पासमा क्यासिमेरोले हेडमार्फत् गोल गर्दै युनाइटेडलाई १–० ले विजयी दिलाए ।

पराजयसंगै फोरेस्ट भने प्रतियोगिताबाट बाहिरिएको छ ।

बुधवार राति नै भएको एफए कपअन्तर्गत अर्को खेलमा लिड्स युनाइटेडमाथि ३–२ को प्रतिस्पर्धात्मक जित निकाल्दै चेल्सी पनि क्वाटरफाइनलमा प्रवेश गरेको छ ।

चेल्सीको घरेलु मैदान स्टामफोर्ड ब्रिज रंगशालामा भएको खेलमा सुरुवाती अग्रता भने भ्रमणकारी टोलीले लियो ।

खेल सुरु भएको ८ औं मिनेटमा जाइदन एन्टोनीको पासमा माटेओ जोसेफले गोल गर्दै लिड्सलाई सुरुवाती अग्रता दिलाए ।

तर, १५ औं मिनेटमा चेल्सीका लागि मोइसिस काइसेडोको पासमा निकोलास ज्याक्सनले गोल फर्काउँदा खेल १–१ को बराबरीमा आयो ।

त्यस्तै, ३७ औं मिनेटमा रहिम स्टर्लिङको पासमा म्याखाइलो मुड¥याकले गोल गर्दा घरेलु टोली २–१ ले अघि बढ्यो ।

यता, दोस्रो हाफको ५९ औं मिनेटमा भ्रमणकारी टोलीका लागि एन्टोनीकै पासमा जोसेपले व्यक्तिगत रुपमा दोस्रो गोल गर्दा खेल २–२ को बराबरीमा आयो ।

त्यसपछि खेलको अन्त्यतिर ९० औं मिनेटमा इन्जो फर्नान्डेजको पासमा कोनर गालाघरले गोल गर्दा चेल्सी ३–२ ले विजयी भयो ।

पराजयसंगै लिड्स भने प्रतियोगिताबाट बाहिरिएको छ ।

लेखक

प्रतिकृया दिनुहोस्

Please enter your comment!
Please enter your name here
This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.