एजेन्सी । इंग्लिस क्लब म्यानचेस्टर युनाइटेडले बर्नलीका स्ट्राइकर ओउट वेगहर्स्टलाई लोनमा ६ महिनाका लागि ओल्डट्राफेड भित्र्याउने पक्का भएको छ ।
नेडरल्याण्ड राष्ट्रिय फुटबल टोलीका सदस्य वेगहस्र्टलाई युनाइटेडले क्रिस्चियानो रोनाल्डोको विकल्पका रुपमा जारी सिजन भरिका लागि भित्र्याउन लागेको हो ।
कतार विश्वकपको पुर्व सन्ध्यामा क्रिस्चियानो रोनाल्डोले इंग्लिस पत्रकार पिइरे मोर्गानसंग एक विवादास्पद अन्तर्वाता दिएपछि युनाइटेडले रोनाल्डोसंगको सम्झौता आपसी सहमतिमा रद्द गरेको थियो ।
त्यसयता रोनाल्डोको विकल्प खोजिरहेको इरिक ट्याङ ह्याङको नेतृत्वमा रहेको युनाइटेडले छोटो अवधिका लागि वेगहस्र्टलाई भित्र्याउने तयारी गरेको हो ।
गतसाता युनाइटेडले बर्नलीबाट लोनमा एक वर्षका लागि टर्किस क्लब बेसकतासमा रहेका डच फरवार्ड भित्र्याउने तयारी गरेको थियो ।
च्याम्पियनसिप क्लब बर्नली सकारात्मक भएपछि युनाइटेडले टर्किस क्लबसंग कुराकनी अगाडी बढाएको थियो । जसअनुसार २.५ पाउण्डमा सहमति भएको युरोपेली मिडियाहरुले जनाएका छन् ।
गएको जनवरीमा बर्नलीमा आबद्व भएका वेगहर्स्टले २० प्रिमियर लिग खेलमा मात्र २ गोल गरेका थिए । सोहि सिजन बर्नली प्रिमियर लिगबाट रेलिगेशनमा परेको थियो ।
त्यसपछि बर्नलीले डच खेलाडीलाई लोनमा टर्किस क्लब पठाएको थियो । बर्नलीमा फ्लप खेलाडीको उपमा पाएको ३० बर्षिय खेलाडीले टर्की बसाइमा भने १७ खेलमा ९ गोल गरिसकेका छन् ।
यस्तोमा ओल्डट्राफिेड आगमन कस्तो होला ? त्यसको लागि भने केहि समय कुर्नेपर्ने हुन्छ ।
लेखक
