एजेन्सी ।.इंग्लिस प्रिमियर लिगअन्तर्गत लिभरपूलले चिरपरिचित प्रतिद्वन्दी म्यानचेस्टर युनाइटेडलाई गोल वर्षा गर्दै महत्वपूर्ण जित निकालेको छ ।
आइतवार राति भएको खेलमा मर्सिसाइड क्लब लिभरपूलले म्यानचेस्टर युनाइटेडलाई ७–० ले पराजित गरेको हो ।
एन्फिल्ड रंगशालामा भएको खेलमा लिभरपूलले खेल अवधिभर दवाव कायम गरेको थियो ।
घरेलु टोलीको जितमा मोहम्मद सल्लाह, दार्बिन नुनेज र कोडी गाक्पोले समान २–२ गोल गर्दा रोर्बटो फिर्मिनोले १ गोल गरे ।
पहिलो हाफ १–० ले अघि रहेको लिभरपूलले दोस्रो हाफ ६ गोल थपेको थियो ।
मर्सिसाइड क्लबका लागि गाक्पोले खेलको ४३ र ५० औं मिनेटमा गोल गर्दा नुनेजले ४७ र ७५ औं मिनेटमा गोल गरेका थिए ।
त्यस्तै, सल्लाहले ६६ र ८३ औं मिनेटमा गोल गर्दा परिर्वतित खेलाडीका रुपमा मैदान प्रवेश गरेका फिर्मिनोले ८८ औं मिनेटमा गोल गरेका थिए ।
जितसंगै लिभरपूलले २५ खेलमा ४२ अंक जोडदै लिग तालिकाको पाँचौं स्थानमा उक्लिएको छ ।
लजास्पद हार बेहोरेको युनाइटेडको समान खेलमा ४९ अंक छ । युनाइटेड तालिकाको तेस्रो स्थानमा छ ।
यसअघि आइतवार नै भएको खेलमा नटिङघम फोरेस्ट र एभर्टनले २–२ को बराबरी खेलेका थिए ।
लेखक
