एजेन्सी । इंग्लिस प्रिमियर लिगमा आर्सनलले म्यानचेस्टर युनाइटेडलाई पराजित गरेको छ ।
आइतवार राति भएको खेलमा आर्सनलले युनाइटेडमाथि ३–२ को जित हात पारेको हो ।
आर्सनलको जितमा इडवार्ड एनकेटिहले २ तथा बुकायो साकाले १ गोल गरे । पराजित टोलीका लागि मार्कुस रासफोर्ड र लिसान्ड्रो मार्टिनेजले गोल गरे ।
इमिरेट्स रंगशालामा खेलको १७ औं मिनेटमा रासफोर्डको गोलमार्फत युनाइटेडले सुरुवाती अग्रता लिएको थियो । तर, २४ औं मिनेटमा घरेलु टोली इडवार्डको गोलमार्फत खेलमा फर्कियो ।
पहिलो हाफ १–१ बराबरीमा सकिएको खेलको ५३ औं मिनेटमा साकाले गोल गर्दा घरेलु टोली २–१ ले अघि बढ्यो । तर, ५९ औं मिनेटमा युनाइटेडले मार्टिनेजको गोलमार्फत खेलमा २–२ को बराबरी गर्यो ।
निरन्तर दवाव सिर्जना गरिरहेको आर्सनलले खेलको अन्तिम समय ९० मिनेटमा गोल गर्दै खेल ३–२ ले जित्यो ।
जितसंगै घरेलु टोली आर्सलनले १९ खेलमा ५० अंक बनाएको छ । आर्सनल लिग तालिकाको शीर्ष स्थानमा छ ।
त्यस्तै, पराजित म्यानचेस्टर युनाइटेडको २० खेलमा ३९ अंक छ । युनाइटेड तालिकाको चौथौं स्थानमा रह्यो ।
लेखक
