एजेन्सी । संयुक्त राज्य अमेरिका र वेस्ट इन्डिजमा संयुक्त रुपमा जारी ९ औं संस्करणको आईसीसी टि–२० विश्वकपमा अफगानिस्तानले विजयी सुरुवात गरेको छ ।
मंगलवार विहान भएको खेलमा टेस्ट राष्ट्र अफगानिस्तानले डेब्यु खेल खेलिरहेको एसोसियट राष्ट्र युगान्डामाथि १२५ रनको एकपक्षिय जित निकाल्दै प्रतियोगितामा विजयी सुरुवात गरेको हो ।
फराकिलो जितसंगै अफगानिस्तानले समूह ‘सी’ मा २ अंक जोड्दै समूह तालिकाको शीर्ष स्थानमा उक्लिएको छ ।
वेस्ट इन्डिजको पनि समान २ अंक नै रहेतापनि नेट रननेटका आधारमा अफगानिस्तान शीर्ष स्थानमा उक्लिएको हो ।
गुयनास्थित प्रोभिडेन्स स्टेडियममा भएको खेलमा १८४ रनको विजयी लक्ष्यका साथ जवाफी ब्याटिङमा उत्रिएको युगान्डा १६ ओभरमा अलआउट हुँदा मात्र ५८ रनमा समेतियो ।
युगान्डाका लागि रोबिन्सन ओबुयाले २५ बलमा १ छक्का प्रहार गर्दै १४ रन जोडेर पेविलियन फर्किदा रियाजत अली शाहले ३४ बलको सामना गर्नेक्रममा ११ रन जोडेर आउट भए ।
युगान्डाका अन्य कुनैपनि ब्याटरले दोहोरो अंकमा रन जोड्न सकेनन् ।
बिलाल हस्सन ८, दिनेश नाक्रानी ६, रोनक पटेल र विकेटकिपर सिमोन सेसाजी समान ४–४ रनमा पेविलियन फर्किदा कोसमस केउटा २ रनमा अविजित रहे ।
युगान्डाका ४ ब्याटर शुन्य रनमा पेविलियन फर्किए ।
युगान्डाले अतिरक्त रुपमा ९ रन जोड्यो ।
युगान्डालाई सस्तैमा अलआउट गर्दै एकपक्षिय जित निकाल्न अफगानिस्तानका लागि फजलहक फारुकीले ४ आभर बलिङ गर्दै मात्र ९ रन दिएर सर्वाधिक ५ विकेट लिँदा नविन उल हकले २ ओभर बलिङ गर्दै ४ रन दिएर २ विकेट लिए ।
त्यस्तै, कप्तान राशिद खानले ४ ओभर बलिङ गर्नेक्रममा १२ रन दिएर २ विकेट लिँदा मुजिब उर रहमानले ३ ओभर बलिङ गर्दै १६ रन दिएर १ विकेट लिए ।
त्यसअघि टस हारेर पहिला ब्याटिङमा उत्रिएको अफगानिस्तानले निर्धारित २० ओभरको खेलमा ५ विकेट गुमाउँदै १८३ रन जोड्यो ।
अफगानिस्तानका लागि ओपनर ब्याट्सम्यान तथा विकेटकिपर रहमानुल्लाह गुरबाजले ४५ बलमा ४ चौका र ४ छक्का प्रहार गर्दै ७६ रनको अर्धशतकिय पारी खेल्दा अर्का ओपनर इब्राहिम जडरानले ४६ बल खेल्नेक्रममा ९ चौका र १ छक्का प्रहार गर्दै ७० रनको अर्धशतकिय परी खेले ।
त्यस्तै, मोहम्मद नाबीले १६ बलमा १४ रन जोडेर अविजित रहँदा अज्मतुल्लाह ओमारजायी ५, गुलबदिन नाइब ४, नाजिबुल्लाह जडरान २ रनमा पेविलियन फर्किए ।
यता, राशिद खान २ रनमा अविजित रहे ।
अफगानिस्तानले अतिरिक्त रुपमा १० रन जोड्यो ।
युगान्डाका लागि ब्रियान मासाबाले ४ ओभर बलिङ गर्दै २१ रन दिएर २ विकेट लिँदा कोसमस केउटाले ४ ओभरमा २५ रन खर्चिएर २ विकेट लिए ।
त्यस्तै, अल्पेश रामजानीले १ विकेट लिए ।
लेखक
