एजेन्सी । युनाइटेड अरब इमिरेट्स (युएई) मा जारी दुई पक्षिय टि–२० आई सिरिज भ्रमणकारी टोली स्कटल्याण्डले जितेको छ ।
विहिवार राति भएको सिरिजअन्तर्गत तेस्रो तथा अन्तिम खेलमा घरेलु टोली युएईलाई ३२ रनले हराउँदै स्कटल्याण्डले सिरिज २–१ ले जितेको हो ।
त्यसअघि सिरिज १–१ को बराबरीमा थियो ।
दुबईस्थित दुबई अन्तर्राष्ट्रिय क्रिकेट रंगशालामा भएको खेलमा ९५ रनको सामान्य विजयी लक्ष्यका साथ जवाफी ब्याटिङमा उत्रिएको युएई १५.२ ओभरमा अलआउट हुँदा मात्र ६२ रनमा समेतियो ।
युएईका लागि आकिफ राजाले २५ बलमा ३ चौका प्रहार र्गै २८ रन जोड्दै पेविलियन फर्किदा राहुल चोपराले १९ बल खेल्नेक्रममा १४ रन जोड्दै आउट भए ।
अलिशान शरफु र अश्वन्थ भालथापा समान ५–५ रनमा आउट हुँदा अन्य ७ ब्याटरले अंकको खाता समेत खोल्न सकेन ।
युएईले अतिरिक्त रुपमा १० रन जोड्यो ।
यएईको ब्याटिङ लाईनलाई धराशायी बनाउँदै खेल जित्न भ्रमणकारी टोली स्कटल्याण्डका लागि ब्राडले करी, ज्याक जार्भिस र मार्क वाटले समान ३–३ विकेट लिँदा क्रिस ग्रेभ्सले अर्को १ विकेट लिए ।
त्यसअघि टस हारेर पहिला ब्याटिङमा उत्रिएको स्कटल्याण्डले १९.४ ओभरमा अलआउट हुँदै ९४ रन जोड्यो ।
स्कटल्याण्डका लागि ओपनर ब्याट्सम्यान जर्ज मुन्सेले १८ बलमा १ चौका र १ छक्का प्रहार गर्दै २१ रन जोडेर आउट हुँदा विकेटकिपर चार्ली टेरले २७ बल खेल्नेक्रममा १ चौका र १ छक्का प्रहार गर्दै १६ रन जोडेर पेविलियन फर्किए ।
त्यस्तै, मार्क वाटले १३ बलमा १३ रन जोड्दै आउट हुँदा माइकल लिक्सले १५ बल खेल्दै १ चौका प्रहार गर्दै ११ रन जोडेर पेविलियन फर्किए ।
यता, ब्राडले करी ८ रनमा अविजित रहँदा ब्रान्डन म्याकमुलेनले ९, ज्याक जार्भिस ४, क्रिस ग्रेभ्स २, कप्तान रिची बेरिङटन र सफयान शरिफ समान १–१ रनमा पेविलियन फर्किए ।
हम्जा ताहिर भने शुन्य रनमा आउट भए ।
स्कटल्याण्डले अतिरिक्त रुपमा ८ रन जोड्यो ।
युएईका लागि ओमिद रहमान र आयान अफजल खानले समान ३–३ विकेट लिँदा आकिफ राजा र बसिल हामिदले समान २–२ विकेट लिए ।
लेखक
