भक्तपुर । काठमाडौंमा जारी आईसीसी विश्वकप लिग २ त्रिकोणात्मक सिरिजअन्तर्गत नेपालले युनाइटेड अरब इमिरेट्स (युएई) लाई २४९ रनको लक्ष्य प्रस्तुत गरेको छ ।
आइतवार क्रितिपुरस्थित टियु क्रिकेट मैदानमा जारी खेलमा नेपालले ४९.२ ओभरमा अलआउट हुँदै २४८ रन बनाएको हो ।
ज्ञानेन्द्र मल्ल र करण केसीलाई बेन्चमा राख्दै सुरुवाती ११ मा ललित राजवंशी र गुल्शन झालाई मौका दिइएको खेलमा नेपालले टस जितेर पहिला ब्याटिङ गर्ने निर्णय लिएको थियो ।
नेपालका लागि कप्तान रोहित पौडेलले ११२ बल खेल्दै ९ चौका मद्दतमा सर्वाधिक ७७ रनको अर्धशतकिय पारी खेले ।
आरिफ शेखले ५२ बलमा ५ चौका प्रहार गर्दै ४३ रन जोड्दा दिपेन्द्र सिंह ऐरीले १९ बलमा ३ चौका र २ छक्का प्रहार गर्दै ३४ रन जोडेर पेविलियन फर्किए ।
त्यस्तै, गुलशन झाले ३२ बल खेल्दा १ चौका र ३ छक्का प्रहार गर्दै ३७ रन बनाउँदा भिम सार्कीले ३७ बलको सामना गर्दै ४ चौका मद्दतमा २९ रन जोडे ।
नेपालका अन्य ब्याट्सम्यानले दोहोरो अंकमा रन बटुल्न सकेनन् । कुशल मल्ल ९, कुशल भुर्तेल ८, सन्दिप लामिछाने र सोमपाल कामी समान २ रन जोड्दै पेविलियन फर्किदा विकेटकिपर आसिफ शेख शुन्य रनमा पेविलियन फर्किए ।
नेपालले अतिरिक्त रुपमा ७ रन जोडेको थियो ।
युएईका लागि आयार्न अफजल खान, जाहोर खान, रोहन मुस्ताफा र जावर फरिदले समान २–२ विकेट हात पार्दा आर्यान लार्का र जुनाइद सिद्विक्युले १–१ विकेट लिए ।
घरेलु टोली नेपालले आजको खेल जिते एकदिवसीय अन्तराष्ट्रिय (ओडिआई) मान्यता जोगाउने छ । यता, युएईलाई पनि नेपालविरुद्व निश्चित जित नै चाहिएको छ । अन्यथा ओडिआई मान्यता संकटमा पर्नेछ ।
लेखक
